5. bekkur á faraldsfæti 

Fimmti bekkur var á faraldsfæti síðustu vikur skólaársins. Það er bara svo gaman að flækjast um í strætó, sjá sýningar og borða nestið sitt úti.

Sumum finnst kannski skrýtið að bekkurinn hafi farið tvisvar sinnum með einungis tveggja vikna millibili á Landnámssýninguna í Aðalstræti, en þar eru nokkrar sýningar í gangi undir merkjum Borgarsögusafns Reykjavíkur. Bekkurinn sá annars vegar sýninguna Heima í stofu með víkingum og hins vegar sýninguna Gamla Reykjavík. Krökkunum er farið að þykja vænt um safnakennarann sem tekur alltaf svo vel á móti okkur, bæði þarna og í Árbæjarsafni. Allir borðuðu svo nestið sitt úti á litlum leikvelli í Grjótaþorpinu og má segja að það hafi bara verið eins konar vorboði.