ANIMACIÓN - ARTE - VIDEOCREACIÓN

Animar a vida · O río que xa non está

Este proxecto está inspirado na película Little Amélie e na idea dun río que desapareceu, pero que segue existindo na memoria o noso río das Barxas.

En Little Amélie, a protagonista descobre o mundo pouco a pouco: a través do que ve, do que sente e do que lembra. A película non conta as cousas como nunha historia normal, senón a través de emocións, sensacións e movementos. Iso é o que imos facer tamén nós coa animación.

O río que xa non está represéntase neste traballo a través do corpo humano. O voso corpo convértese no río:

O corpo será o río.
O movemento será a auga.
E unha liña azul, ao comezo e ao final, será a memoria do río que xa non está.

• cando se move, flúe

• cando se detén, lembra

• cando cambia de ritmo, expresa emocións

Por iso traballamos coa rotoscopia: gravamos un movemento real e logo debuxamos enriba, transformando a realidade en animación. Así pasamos do real ao recordo, igual que fai a memoria.

Todas as animacións comezan e rematan cunha liña azul. Esa liña representa o río: o seu inicio e o seu final, o que foi e o que queda del. O que pasa entre esas dúas liñas é a vosa interpretación: emocións, movemento, vida.

Non buscamos debuxar perfecto.
Buscamos observar, sentir e transformar o movemento en animación e animar algo que xa non se ve, pero que segue presente. Animar a vida é dar movemento ao que lembramos.

Durante cinco segundos, o río Pontillón volverá existir grazas a vós.

1.  TÍTULO E ENFOQUE DA TAREFA

Animar a Vida. A memoria do río que xa non está

Esta unidade propón unha tarefa creativa de animación 2D mediante rotoscopia con Pencil2D, inspirada na película Little Amélie e na idea do río como memoria viva, aínda que xa non sexa visible.

O proxecto parte dun xesto moi sinxelo e simbólico:

• comezar cunha liña azul

• rematar coa mesma liña azul

E, no medio, animar emocións, lembranzas e movementos que representen a vida do río.

2. OBXECTIVO XERAL DA TAREFA

Animar unha pequena secuencia de 5 segundos mediante rotoscopia, partindo dun vídeo real gravado polo alumnado, para representar emocións e movementos asociados á memoria do río, empregando a animación como linguaxe artística e narrativa.

3. OBXECTIVOS ESPECÍFICOS

• Comprender a animación como sucesión de imaxes que xeran movemento.

• Iniciarse na técnica da rotoscopia como forma de animar a partir da realidade.

• Explorar a animación como medio para expresar emocións e lembranzas.

• Valorar a animación como parte da industria do cine e das profesións creativas.

• Desenvolver paciencia, planificación e continuidade visual.

• Perder o medo a crear e experimentar con linguaxes audiovisuais.

4. REFERENTES E INSPIRACIÓN

🎬 Cine e animación

• Little Amélie (mirada, memoria, descubrimento do mundo)

• Dimanche soir (Martine Frossard, 2015)

🌊 Idea conceptual

• O río como corpo vivo

• A memoria do que xa non se ve

• O movemento como recordo

5. DESCRICIÓN DA TAREFA

TAREFA: ANIMAR A VIDA

Nesta tarefa, o alumnado debe representar o corpo humano como metáfora do río, utilizando o movemento corporal (danza, xesto, desprazamento) para expresar o movemento da auga, o fluír, a memoria e as emocións do río que xa non está visible.

O corpo convértese así nun río:

• que se move

• que flúe

• que se detén

• que lembra

Indicacións básicas:

• Gravar un vídeo real de 5 segundos no que apareza o corpo humano en movemento.

• O movemento debe ser expresivo, inspirado na danza, no xesto ou no desprazamento suave, evitando accións bruscas ou narrativas literais.

• Realizar a súa rotoscopia en Pencil2D.

• Traballar a 10 fps (10 fotogramas por segundo).

• Crear un mínimo de 50 frames.

Condición simbólica común:

• Frame 1: liña azul (nacemento / inicio do río)

• Frame 50: a mesma liña azul (memoria / peche do ciclo)

O que ocorre entre ambas liñas debe representar:

• emocións

• movemento

• fluír

• memoria

• o corpo humano é o río

• o movemento corporal funciona como danza / fluír da auga

• non é contar unha historia literal, senón expresar emoción, memoria e ritmo

• 🧍‍♀️ corpo = río

• 💃 movemento = corrente

• 🔵 liña azul = memoria / ciclo

• 🎬 animación = lembranza viva

6. TEMPORALIZACIÓN

• 5 sesións de aula

• 1 sesión: introdución, inspiración e gravación do vídeo

• 3 sesións: rotoscopia e animación

• 1 sesión: remate, exportación e posta en común

7. FERRAMENTA PRINCIPAL

✏️ Pencil2D (software libre)

• Animación 2D tradicional

• Ideal para rotoscopia

• Interface sinxela

2. -INSTALAMOS PENCIL 2D

• DESCARGAMOS : https://www.pencil2d.org

• DAMOS PERMISO NO NOSO COMPUTADOR A INSTALACIÓN. (VER VÍDEO)

UN CHISCO DE INSPIRACIÓN :  ARTE  E  ANIMACIÓN 2D

Animación 2D con técnica de rotoscopia usando Pencil2D

Aprender a utilizar a técnica da rotoscopia para crear unha animación 2D coa aplicación libre Pencil2D, partindo dun vídeo real como base de traballo. O alumnado planificará unha secuencia de movemento, distribuíndoa en grupo para que a animación teña sentido e cohesión narrativa.

8. FASES DO PROXECTO

1. Visionado de titoriais de Pencil2D

• Titorial 1: interface e ferramentas básicas

• Titorial 2: importar vídeo, debuxar fotogramas e exportar

2. Decidir o movemento

• Movemento sinxelo e expresivo (mirar, camiñar, balancearse, fluír…)

• Preferiblemente ligado á idea de emoción ou recordo

(Opcional): coordinación en grupo para crear unha narrativa común.

3. Proceso técnico

• Gravar o vídeo (5 segundos)

• Importalo en Pencil2D

• Debuxar fotograma a fotograma con liñas simples

• Eliminar o vídeo base ao final

• https://www.istockphoto.com/es/search/more-like-this/2165862691?assettype=film

9. ENTREGA DO TRABALLO

Exportación

• Exportar como vídeo desde Pencil2D

Nome do arquivo

Nome_Apelidos_Nº_CURSO_GRUPO.mp4

Exemplo: Lucas_Pérez_17_2ESO_B.mp4

Envío

• Subir a Google Drive e  enviar ao correo: audiovisualmorrazo@gmail.com

• Asunto: ROTOSCOPIA-NOME APELIDOS-CURSO-GRUPO

10. CRITERIOS DE AVALIACIÓN

• Corrección básica da rotoscopia (fluidez, continuidade, número de frames)

• Creatividade e expresividade

• Comprensión da tarefa simbólica (liña azul inicio/final)

• Implicación no proceso

• Entrega correcta e no prazo