Orð og hugtök

Analog = enska orðið yfir hliðrænt. Þetta orð er notað um ýmislegt og getur verið ruglingslegt. Til að skilja þetta hugtak gæti verið hjálplegt að segja að analog er það sem er EKKI digital eða stafrænt, sem sagt EKKI á forminu 0 og 1. Ef við breytum stillingu á ljósaperu með dimmer sem við snúum þá sjáum við breytingu sem er þreplaus. Analog er notað til að lýsa merki eða flæði upplýsinga eins og til dæmis hljóði (hljóðbylgjum) eða rafstraumi.

Digital = enska orðið yfir starfænt. Starfænt merki getur aðeins haft tvær birtingarmyndir sem þó er hægt að lýsa á marga vegu: af eða á, slökkt eða kveikt, 1 eða 0. Tölvur skilja enn sem komið er aðeins tvennt (þetta mun breytast í framtíðinni ef að svokölluð quantum tölvutækni kemst í notkun). Þetta tvennt sem tölvu skilja er táknað með tölunum 1 og 0. 1 táknar þá kveikt, "on", eða hvaða hugtak sem við kjósum að nota til að skilja þetta. 0 táknar þá slökkt, "off". Á ensku eru líka notuð orðin "high" og "low". Til dæmis skilur tölva ekki bókstafinn "A" sem slíkan, heldur sem röðina 01000001 . Við getum því séð flóknar upplýsingar fyrir okkur sem endalausa röð af 0 og 1, eða jafnvel sem endalausa röð af rofum sem eru annaðhvort í stöðunni kveikt eða slökkt.

Ground = jörð. Í rafmagnshringrásum fer straumur ekki í gegn nema eiga sér leið aftur heim í tengingu sem kallast jörð. Rafmagnshringrásir eru í eðli sínu lokað kerfi en hægt er að rjúfa strauminn einhversstaðar á leiðinni. Þá er talað um opna hringrás.

Hliðrænt = Analog, sjá hér að ofan

Innput = inngangur. Arduino tölvan getur tekið við ýmiskonar upplýsingum. Upplýsingarnar þurfa þó að vera annaðhvort á stafrænu eða hliðrænu formi. Hliðrænar upplýsingarnar geta verið hitastig, rafstraumur, ljós eða þrýstingur. Stafrænar upplýsingar eru röð merkja á forminu 0 og 1, sjá Digital hér að ofan. Orðið er ekki eingöngu notað um pinnan sjálfan sem merkið kemur innum, heldur um allar þær upplýsingar sem berast inn í Arduino úr hringrásinni.

Inngangur = Input, sjá hér að ofan.

Jörð = ground, sjá hér að ofan.

Mínus (-) = Við þurfum ekki kafa djúpt í eðlisfæði og læra um hleðslu rafeinda. Það sem við þurfum að hafa í huga er að straumur eða merki sem er á leið til baka inn í Arduino borðið til að loka hringrásinni kemur úr mínus armi íhlutsins eða mínus rás brauðbrettisins inn í jörð á Arduino borðinu, þ.e. ground.

Plús (+) = Eins og kom fram hér að ofan þurfum við ekki að kafa djúpt í eðlisfæði og læra um hleðslu rafeinda. Það sem við þurfum að hafa í huga er að Arduino borðið getur sent straum út um 5V og 3,3V útgangana og út um pinna 2-13, sem eru bæði inn og útgangar. Ef að við tengjum þessa útganga inn á löngu lóðréttu rásirnar á brauðbrettinu tengjum við í +. Ef við tengjum inn á númeruðu línurnar í brauðbrettinu og þaðan í íhluti verðum við að passa að tengja í + á íhlutnum því sumir íhlutir eru með einstefnu.

Stafrænt = digital, sjá hér að ofan.

Output = útgangur. Þetta orð er notað yfir það merki eða þær upplýsingar sem berast úr Arduino tölvunnin. Upplýsingarnar geta verið eitthvað sem birtist á tölvuskjá. Merkið getur líka verið upplýsingar um hvernig á að blikka peru eða snúa mótor. Ólíkt inngangi getur útgangur aðeins verið á stafrænu formi. Arduino getur hinsvegar sent frá sér stafrænar upplýsingar sem líkja eftir hliðrænu formi. Það er kallað Puls witdh modulation. Orðið er ekki eingöngu notað um pinnan sjálfan sem merkið kemur útum, heldur um allar þær upplýsingar sem berast úr Arduino inn í hringrásina.

Útgangur = output, sjá hér að ofan.