Hvað þarft þú?

Þú þarft nokkra tengivíra. Hér er plasthúðaður koparvír. Kopar leiðir vel rafmagn. Eins og kemur fram annarstar á síðunni eru vírarnir mislitir til að auðvelda villuleit. Mislitir vírar eru þó allir eins í grunninn.

Ljósdíóður eru einn algengasti íhluturinn í Arduino fræðum. Á ensku heita þessar perur Light Emitting Diode, eða LED til styttingar. Diode er kallað tvistur á íslensku. Tvistar eins og LED perur hleypa rafmagni aðeins í eina átt í gegnum sig. Því þarf að snúa perunni rétt. Annar fótur perunnar er lengri en hinn. Lengri vírinn er kallaður Anode og hinn styttri Cathode. Við þurfum ekki á þessari stundu að leggja þessi orð á minnið. Það sem við þurfum að muna er að tengja lengri vírinn við + og styrri vírinn við -. Annað sem er gott að hafa í huga er að þessar perur þola mjög lítinn straum og því þarf að nota viðnám með þeim í hringrásir.

Hér er viðnám sem notað er í tengingar fyrir Arduino. Viðnám eru notuð til að takmarka þann straum sem fer í gegnum rafmagnshringrásina. Eiginleiki viðnáms er mældur og gefinn upp í mælieiningunni Ohm og táknuð með gríska stafnum Ω . Þú þarf að hafa nokkur viðnám . Algengt er að notuð séu viðnám sem eru 330Ω og 10.000Ω

Hér er svokallað breytilegt viðnám. Það er sambærilegt við dimmer á ljósarofa. Ef ytri pinnarnir tveir eru tengdir við 5V og jörð á Arduino borði hleypur spennan í miðjupinnanum á 0-5V samkvæmt því hvernig skífan á viðnáminu snýr.

Gott er að hafa nokkra hnappa. Hnappar virka eins og rofar sem annaðhvort hleypa straum í gegnum sig eða rljúfa staum, eftir stöðu hnappsins.

Transistorar eða smárar á íslensku eru mikilvægustu einingar í öllum rafrásum. Þeir eru notaðir til að stýra straumi . Í stafrænum rásum eru þeir gjarnan notaðir til að sýna stöðuna 0 og 1, þ.e. kveikt eða slökkt samanber tvíundakerfið. Smárar eru annaðhvort stakir eins og þessi á myndinni til hliðar eða margir saman pakkaðir í kubb eins á myndinni hér að neðan.