Черкашин Дмитрий николаевич и Черкашина Екатерина андреевна

Өйдүүбүн, киэн туттабын, махтанабын.

          Эбэм Черкашина Антонина Дмитриевна аҕата, мин хос эһэм  Черкашин Дмитрий Николаевич 1922 с. айгыр – силик айыл5а кэхтэн унньуктаах уһун тымныы кыһын саҕаланар кэмигэр, алтынньы 1 күнүгэр Мэҥэ – Хаҥалас оройуонугар Күөллэрики алааска төрөөбүтэ. Аҕата Черкашин Николай Иванович Чандаҕаайы алааһын төрүт олохтооҕо, «Социализм суола» колхоз тутаах үлэһитэ этэ. Бииргэ төрөөбүт 4 этилэр: Николай, Петр, Михаил, Гаврил. Ийэтэ Уус – Алдан оройуонун Дүпсүн нэһилиэгиттэн төрүттээҕэ, колхозка уһун сылларга ыанньыксытынан үлэлээбитэ. Хос эһээм бииргэ төрөөбүт бырааттаах, Егор Николаевич, 1934 с төрөөбүтэ.

           Дмитрий Николаевич 4 кылаас үөрэхтээҕэ, оскуола кэнниттэн колхозка өр сылларга бостуугунан үлэлээбитэ. Кини 1942 с. армияҕа ыҥырыы туһунан бэбиэскэ туппута. Тихэй океаҥҥа морской пехота чааһыгар Соҕуруу Сахалиҥҥа 1075-с № дээх байыаннай чаас 1-кы ротатыгар 20-с ат депотугар сулууспалаабыта. Төрөөбүт дойдутугар улуу Кыайыыны ситиһэн, өссө 1947с диэри сулууспалаан этэҥҥэ эргиллэн кэлбитэ.

           Сэрииттэн кэлэн баран колхозка бостууктаабыта. Оччолорго 600 субай сүөһүнү көрөрө, дьаныһан туран бэриниилээхтик үлэлээбитэ.1949 с хос эбээбинээн, Чашкина Екатерина Андреевналыын билсибитэ, ыал буолбуттара. 

           Дмитрий Николаевич колхозка, кэлин М. Горькай аатынан совхозка таһаарыылаахтык үлэлээбитэ. 1977 с ВДНХ үрүҥ көмүс мэтээлинэн, оройуон, совхоз, Балыктаах отделениетын салааларын элбэх грамоталарынан, махтал суруктарынан наҕараадаламмыта, 2001 с Мэҥэ – Хаҥалас оройуонун Бочуоттаах гражданина үрдүк ааты иҥэрбиттэрэ.

         Сэрии ветеранын быһыытынан «За победу над Германией», «За победу над Японией» мэтээллэринэн, Улуу Кыайыы юбилейнай мэтээллэринэн бэлиэтэммитэ. Кыайыы 60 с Саха Республикатын президенэ В.А. Штыровтан махтал суруктаах Чороон туппута.

         1999 с кыһыл көмүс сыбаайбаларын бэлиэтээбиттэрэ, 11 оҕону төрөтөн, иитэн-такайан, үөрэттэрэн ыал оҥортообуттара.

         Мин хос эһээм Дмитрий Николаевич киһи киэнэ кэрэтэ, көрсүө сэмэй быһыыта, үлэни үрдүктүк туппут эйэҕэс санаата, сыралҕаннаах үлэтэ биһиэхэ хос сиэннэригэр үйэттэн үйэҕэ холобур буолуоҕа!

   Кипреева Дарина, Дьокуускай куорат 29 нуомэрдээх орто оскуолатын

8а кылааьын үөрэнээччитэ.