Васильев илья иванович

Васильев Илья Иванович

1902 с. Үгэлээх нэһилиэгэр дьадаҥы бааһынай дьиэ кэргэнигэр төрөөбүтэ. Кэлин дьонноро элбэх оҕолононнор, Хабырылла диэн абаҕатыгар ииттэрэ биэрбиттэрэ. Кини о5о сааһа ити ыал ис-тас үлэтигэр ааспыта. Оскуола диэҥҥэ үөрэммэтэҕэ. Кэлин сибиэскэй былаас саҕана улахан дьону үөрэхтээһиҥҥэ үөрэнэн кыратык ааҕар, суруйар буолбута. 1931 с. Тандинскай а5а ууһугар (Тоно5ос тулата) «Түмсүү» артыал тэриллибитигэр онно чилиэнинэн киирбитэ. Сэрии эрэ иннинэ «Түмсүү» артыал «Лабачааналыын» холбоһон Буденнай аатынан колхоз буолбута.

Бастакы кэргэниттэн Акулинаттан Варвара диэн кыыстаах. Кэргэнэ өлөн иккиһин Николай диэн уоллаах Лабачааныга олохтоох Аананы кэргэн ылбыта.

Сэриилэһэр армия5а 1942 с. бэс ыйын 27 күнүгэр ыҥырыллыбыта. Ленинградскай фронт туһаайыытыгар тиийэн баран 1943с. ыалдьан саас дойдутугар төннөн кэлбитэ.

Кэлээт, арыый да буолаат, председателинэн талыллан колхоһугар улэлээбитинэн барбыта. Кэлин арыый өҥ дьыллар эргиллэннэр, олох тупсубута.  От- бурдук да үүммүтэ. Ити сылларга кини салайар колхоһа  хортуоппуй үрдүк үүнүүтүн ылан , бүтүн союзтаа5ы быыстапкаҕа кыттыбыта. Илья Иванович кэлин колхозка араас үлэлэргэ: сибинньэ көрүүтүгэр, дьаам сүүрдүүтүгэр, сылгы аһатыытыгар, Алдан өрускэ балыктааһыҥҥа, оттооһуҥҥа  илиитин араарбакка үлэлээбитэ.

Олус кусчут киһи этэ. Оҕолоро турууларыгар хас да куһу өлөрөн кэлбит буолара. Атын булка сыстыбатаҕа. Ааната 1956 сыллаахха өлөн, улахан оҕолорунаан кыраларын ииппитэ. Оҕоҕо, дьиэҕэ олус бүгүрү киһи этэ.

Кэлин кырдьан да баран Тоноҕоһугар сайылаан олорон от бөҕөнү оттуура. Соҕотоҕун  10-20 сыарҕа оту киһилээбэт этэ. Үлэтин күҥҥэ 3-4 уларытан барытын бутэрэн , ото үрдүк хаачыстыбалаах буоларын ситиһэрэ. Дэлэ5э 67 саастааҕар Дьокуускай куоракка республика колхозтарын  съеһигэр улуустааҕы делегацияҕа кыттыыны ылыа дуо?

Илья Иванович 6 о5о амарах аҕата, 10 тахса сиэн эһээтэ, муҥура суох хос сиэн эһээтэ. Кини ыалдьан 1979 с. күн сириттэн туораабыта.