Дьяконов Алексей Иванович

Мин хос эһээм Дьяконов Алексей  Иванович 1919c.

Түөт оголоох ыалга төрдүс огоннон күн сирин көрбүт.1942c сэриигэ ыҥырыллар.Нууччалыы билбэт киһини Читага үлэ фронугар  ыыталлар.Онно биир дойдулааҕын Левин Егордуун сылдьаллар.

Читага суол тутуутугар ,билиэҥҥэ түбэспит дьоппуоннары харабыллыыллар.1945c.сэрииттэн этэҥҥэ кэлэр.

Ол кэлэн сайынын окко,мас бэлэмигэр туох үлэ көстөрүнэн үлэлиир.Эһээбин от охсуутугар тэҥнээҕэ суоҕа үһү диэн кэпсииллэрэ.Кыһынын атынан таһаҕас тиэйэллэрэ.Таас Тумуһунан,Сангаарынан ыйы ыйдаан айанныыллара.Кэргэнэ Мария Ивановна сэрии кэмигэр биригэдьиирдээбитэ.Араас хотон ,от мас үлэтигэр сылдьан онтон аһааҕыран олохтон эрдэ туораабыта.Эһээм алта кыра огону тутан хаалар.Оголорун дьон детдомҥа биэр диэн сүбэлииллэрин сөбүлүү истибэтэх.Оҕолорун быспакка бээтэ үлэлии үлэлии көрөн атахтарыгар туруортуур.Оҕолоругар уонна дьиэтигэр чугас сылдьан бөһүөлэкпит элбэх ыалыгар дьиэ тутуутугар сылдьар.Кини туппут дьиэлэрэ чиҥ бэйэлээх тураллар.Эһээм этэҥҥэ олорон,кырдьан сиэннэрин,хос сиэн көрөн анараа дойдуга барбыта.

Билигин кини аатынан биһиги сиэннэр ,хос сиэннэр киэҥ туттабыт.Сылын аайы Улуу Кыайыы күнүгэр портретын күөрэччи тутабыт,парадка хаамабыт.

Правнучка Петрова Элья, ученица 4 класса. 2024 г.