HELBURUAK

ETAPAKO HELBURUAK

Etapako helburua konpetentzien lorpena izango da. Etapako helburuak 8 dira eta etapa-bukaeran, hau da, DBHko 4. maila amaitzean, lortu beharrekoak dira. Hori dela eta, ebaluazio-irizpideekin lotuta egongo dira, eta horien arabera ebaluatuko dugu helburuen edo konpetentzien lorpen-maila.

Unitate honek etapako 6 helburu hauen lorpenari bere ekarpena egingo die; ebaluazio-irizpide eta lorpen-adierazleen bidez ebaluatuko da:

• Hizkuntzaren zenbait erabilera-eremutan sortutako ahozko, idatzizko eta ikus-entzunezko diskurtsoak ulertzea, bai eta haien edukia nahiz forma modu kritikoan interpretatzea ere, zenbait motatako komunikazio-egoerei aurre egiteko.
• Bai ahoz eta bai idatziz modu txukun, koherente eta zuzenean espresatzea eta interaktuatzea, eta horretan, errespetua, kooperazioa eta espiritu kritikoa hartzea oinarri, zenbait komunikazio-premiari modu eraginkorrean erantzuteko.
• Norberak hautatutako idatzizko, ahozko nahiz ikus-entzunezko literatura-testu erreferentzialez gozatzea, norberaren esperientziari zentzua emateko, mundua ulertzeko eta sentsibilitate estetikoan aurrera egiteko.
• Literaturako generoen, etapen eta obra nagusien oinarrizko konbentzioen ezagueraz baliatzea, era horretan literatura-testuak modu partekatuan ulertzeko, literatura-ondarearen bidez esperientzia indibiduala eta kolektiboa sinbolizatzeko, eta norberaren kultura-nortasuna eraikitzeko.
• IKTak modu kritiko eta autonomoan erabiltzea, informazioa eskuratzeko, komunikatzeko eta lankidetzan jarduteko.
• Norberaren ikaskuntza-prozesuaz gogoeta egitea, beste hizkuntzetan eta ikasgaietan eskuratutako komunikazio-ezaguerak eta -estrategiak transferitzeko, eta norberak hizkuntza-ikasketak konfiantzaz erregulatzeko.

UNITATEAREN HELBURU DIDAKTIKOAK

1. 1936ko gerra-garaiko egoera soziopolitiko eta kulturala ezagutzea eta interpretatzea.

2. Euskal Olerkigintzaren Pizkunde-garaia ezagutzea eta sinbolismo literatura-mugimenduaren ezaugarriak, autoreak eta obrak ezagutu eta erlazionatzea.

3. Euskal sinbolismoko lan esanguratsuak aztertuz eta interpretatuz, ulertutakoa besteei azaldu, ahoz zein idatziz, edukia proposatutako testu-sekuentzien arabera antolatuz.

4. Prentsaren balioaz eta eraginaz ohartaraztea .

5. Euskalgintzaren beharrizanari buruz hausnartzea.

5. Garaiko euskal literaturan emakumearen presentzia ezagutzea.

6. Euskalkien presentziaz jabetzea.

7. Euskal poemen antologia sortzea eta errezitaldia taularatzea.

8. Hartzaileen arreta bereganatu eta mantentzeko landutako estrategiak sormenez baliatzea.

9. Elkarlana eskatzen duten ekimenetan jokaera asertiboa erakutsi eta lana egiteko hartutako konpromiso pertsonalari modu arduratsuan eta autonomia-maila onargarriarekin erantzutea.

10. Irakurzaletasunaren plazerraz ohartaraztea.