Батыс Қазақстан облысы Теректі ауданы Подстёпный селолық округіне қарасты Юбилейный елді мекені аудан орталығы Фёдровкадан 52 шақырым,облыс орталығы Орал қаласынан 25 шақырым жерде,Солтүстігі Новопалов ауылы,Шығысында Жаңа өмір,Батысында Подстёпный ауылдық округімен шекаралас Барбастау өзенінің жағасында орналасқан.

1946 жылы Орал облысының мемлекеттік асыл тұқымды жылқы өсіру үшін салынған ауыл – Госконюшня деп аталған.1952 жылы қазан айында Орал облыстық шаруашылығының ірі-қара малдарын ұрықтандыру қолға алынды. 1956 жылы Орал облыстық мемлекеттік мал асылдандыру және қолдан ұрықтандыру станциясы болып қайтадан құрылып, «Госплемстанция» болып қайтадан өзгертілді.

Орал облыстық ұрықтандыру станциясының екі филиалы болған:

біріншісі – Фурманов филиалы.Фурманов ауданы Егінсай ауылында 1958 жылы құрылған. Облыстан 297 шақырым қашықтықта орналасқан. Екінші филиалы – Жаңақала филиалы. Ол Жаңақала ауданында 1977 жылы тамыз айында еділбай қойын асылдандыру мақсатында құрылды. Бұл филиал қаладан 300 шақырым қашықтықта орналасқан. Орал облыстық ұрықтандыру станциясы екі филиалымен бірге 59 шаруашылықты, 108 елді мекенді, 10 жеке секторды, 9 аудан ірі қара малды және 46 шаруашылықты, 10 ауданда қой шаруашылығын қамтамасыз етті.

Даттың приборы бойынша майлығын анықтайтын сүт лабораториясы, бұқа мен қойларды асылдандыру негізінде орталық баклаборатория қызмет атқарды. Госплемстанцияға кіре берісте ветеринарлық-профилакториялық және эпизотикалық шараларға қарсы мақсатында пост және дезбарьер орын алған. Алғаш тұрғындарының айтуы бойынша Госплемстанция атауы 1980жылы Юбилейный ауылы болып өзгертілді. Госплемстанция ауылы республикалық дәрежеде тіке Алматы қаласына бағынған.1983 жылы «Ақжайық ашық акционерлік» қоғамы болып, жауапкершілігі шектеулі серіктестік «Жайық Гидрология» мекемесінің құрамына қосылды. 1988 жылы «Ақжайық жабық» қоғамы (ЗАО Ақжайық) болып, 2006 жылы жауапкершілігі шектеулі Ақжайықплем серіктестікке (ТОО Ақжайықплем) айналды. Қазіргі таңда «Ибрагим» қожалығы ашылып, Көшім асыл тұқымды жылқыларын өсірумен айналысады. Ауылда 105 үй, онбір жылдық негізгі мектеп, фельдшерлік пункті, ауылдық кітапхана, аудандық мәдениет бөлімшесі, «Ақ Отау» қоғамдық бірлестігінің жобасымен ашылған «Ауылдың балапаны» шағын орталығы, «Ибрагим шаруа қожалығы», "Аспен" шаруа қожалығы 2013 жылы кұрылган. ШҚ жетекшісі Уринбаев Турсынгали,«Аспен»ШҚ бағыты көкөніс, бау- бақша өсіру. ШҚ ашылғалы қияр, қызанақ, қарбыз, қауын, картоп т.б. дақылдар өсіріп келеді. ШҚ Юбилейное ауылы Барбастау өзені жағасында орналасқан. Көкөніс бау-бақша дақылдарын тапшылатып суару әдісімен суарады.Екі жеке дүкен және облыстық ат спорт кешені бар. Соңғы жылдары жас жанұялар көбейіп, тұрғын үйлер салынуда. 2011 жылы желтоқсан айында ауылға көгілдір отын кіргізілді.2019 жылы «Ақ бұлақ» мемлекеттік бағдарламамен ауылға ауыз су өткізілді.Ауылдың негізгі су көздері – Барбастау өзені, су мұнарасы. Ауыл тұрғындарының негізгі кәсібі, бау-бақша өнімдерін өндіру. Ауыл жастары қала орталығына жұмыс жасауда.

Госплемстанция ауылын ең алғаш басқарған басшы – Никулин(1954жылға дейін).1954 жылдан 1964 жылға дейін В.П Фадеев басқарды.Жылдар бойынша ауылды басқарған төмендегі көрсетілген мына азаматтар: Красноштанов.В.И. (1964-1969), Насипов П.А. (1970-1971), Адыров С.К. (1972-1981), Сапашев Б.Е (1982-1983),Есенғалиев Т.Е.(1983-1984),Мыңбаев А.М.(1984-1985),Қосаев Қ.Қ.(1986-1990), Сарсеев Е.С (1991-1993),ШыңғазиевМ(1994-1995),СарсеевЕ.С.(1996-1998),Сагидуллин Ж.Б(1999-2001),Рахимов Е.Р.(2003-2004).2007 жылдан бастап Махметов Қамбар Ибрагимович.Госплемстанция ауылының көркеюіне, құрылуына зор үлес қосқан Красноштанов Владимир Иванович.(1928 жылы дүниеге келді) Ол кісі Госплемстанция ауылын 1964-1969 жылдары басқарды. В.И.Красноштановтың басқаруымен 15 бес пәтерлік үйлер, астық сақтағыш, мектеп, медпункт, клуб салынды. Жолдасының З.П. Красноштанова айтуынша бұл кісінің ұйымдастыруымен екі күндік сенбілікте 6 гектар алма бағы, 2 гектар жидек отырғызылды. В.И.Красноштановтың кезінде жылу жүйесі, су мұнарасы салынды. Ауылдың өркендеуіне Б.Е.Сапашев жолдастың да еңбегі зор. Ұйымдастыру науқанына белсене қатысып, ауылдың шаруашылығын көтерді, 1982 жылы жол- грейдер салынуына бастау бағыт сілтеді, соңғы жаңа үйлер сол кісінің ұйымдастыруымен салынды.

Бұдан 76 жыл бұрын,1945 жылғы мамырдың 9-ында ҰОС жеңіспен аяқталды. Біздің халыққа бұл жеңіс аса қымбатқа түсті. Бұл жеңісте жоғары бас қолбасшыдан бастап қатардағы сарбазға, қарапайым жұмысшы мен колхозшыға дейін, әркімнің де еңбегі зор. Бұған біздің де ауылымыздың тұрғындары да елеулі үлесін қосты. Бүкіл елмен бірге олар майдан мен жау тылында ерлікпен шайқасты, зауыт-фабрикаларда, алқаптар мен фермаларда майдан маны мен тылдағы госпитальдарда жан аямай еңбек етті. Олардың өмірі мен ерлігі еш уақытта ұмытылмақ емес!

Ұлы Жеңіс үшін, Отанымыздың бостандығы мен тәуелсіздігі күрескен ерлер бейнесін ел жадынан өшірмеу – біздің ортақ парызымыз. Жас ұрпақ ата-бабалардың даңқты жолын тегіс біліп, келешекке жеткізе білу керек. Осындай билік мұратпен, жас ұрпақтың отаншылдық сезімін қалыптастыру, оларға ата-бабаларымыздың ерлік мұрасын табыс ету мақсатында аталмыш парақтар шығарылып отыр. Жарқын беттерде мына соғыс ардагеріміз орын алды: Баймұханбетов Сатай, Победимов Сергей, Сагинов Бакон, Махметов Қапиз,Ушанов Мендығали,Садыков Нұрыш, Сұлтанов Қажеттер,Сапаралиев Берқайыр,Қуанышқалиев Өтежан,Нұғманов Бекес,Баймұхамбетов М,Бистров К,Вернигор В,Плахида М,Щербаков А,Чесноков М,Ефремов В,Юдичев Н.

Ұлы Отан соғысы адамзат тарихында ең ұзаққа созылған,адамдарды да,техниканы да мол шығынға ұшыратқан алапат соғыс болды.Майдандағылар оқ астында ерлік көрсетсе,тылдағылар оларды қажетті,азық-түлікпен қамтамасыз етті.Майдан мен тыл жалғасып,Отан түгелдей соғыс жағдайында болды.Шындығында берік тыл болмаса,тек әскер күшімен жеңіске жету мүмкін емес еді.Төрт жылдан астам уақытқа созылған соғыс кезінде,әсіресе ауылдың жағдайы өте қиын болды.Ауылдағы қиындықты женуде бел шешпей еңбек еткен ауылдастарымыздың қажырлығын ерекше атап кеткен орынды.

Ауылымыздың тыл ардагерлері:

Мархабаев Байділда,Мағжанова Нәсіп,Садыкова Гүлжәміш,Габдушева Маруа,Климченко З,Кушкенбаев Тлеш,Баймұхамбетов,Жолдыбай ,Баубекова Муслима,Ақмұрзақызы Мүгілсін,Абдығалиев Ғұбайдолла,Әлдибекова Зағира,Бекмашева Ұлболсын,Сағынова Ұштаб,Сапаралиева Мунзиля,Сүндеткалиева А,Баймұханбетова Раушан,Сулеева Биязы

Украинадағы Чернобыль атом электр станциясында 1986 жылы сәуір айында АЭС-тің 4-энергоблогында апат болды.Чернобыль апатының нәтіжесінде Украинаның елеулі аумағы мен Ресейдің Брянск және Калуга облыстарының аумағы радиоктивтік ластануға ұшырап,адамдар өміріне қауіп төнді.1986 жылдың қараша айына дейін апатқа ұшыраған блок залалсыздандырылып оғашталды.Апатты залалсыздандыруға Қазақстан азаматтары да тартылды.Сол жерге біздің де жерлесіміз Аишев Кенжебай военкоматтың бұйрығымен аттанады.Аишев Кенжебай 1955 жылы 12 тамызда Анқаты кеңтіңде дуниеге келді.Сегіз жылдықты бітіріп ауылдың жұмыстарына белсене араласады.1974-76 жылдары Забайқальяда Отан алдындағы борышын өтейді.1987 жылы военкомат арқылы шофер ретінде Чернобыль қаласына тартылады.Қазіргі таңда Кенжебай ағамыз жұбайы Нұрсұлу,баласы Эльнұрмен бірге Юбилейный ауылында тұрып жатыр.