Ақжайық ауданы[өңдеу | қайнарын өңдеу]

Соңғы рет өңдеген: Білгіш Шежіреші (үлесі, талқылауы) (2x) оның алдында өңдеген: Waterloo1883 (үлесі, талқылауы)(?)

Уикипедия — ашық энциклопедиясынан алынған мәлімет

Ақжайық ауданы — Батыс Қазақстан облысының орталық аймағындағы әкімшілік аудан. 1997 жылға дейін "Чапаев ауданы" деп аталған.^[5] Жерінің аумағы 25,2 мың км². Орталығы — Чапаев ауылы

Географиялық орны, климаты[өңдеу | қайнарын өңдеу]#

Аудан Каспий маңы ойпатының солтүстік бөлігін алып жатыр. Климаты аса құбылмалы. Орташа ауа температурасы қаңтарда — 13-14°С, шілдеде 23-24°С. Жауын-шашынның жылдық орташа мөлшері 200-250 мм. Ақжайық ауданының жерін Жайық өзені жарып ағады.

Өсімдігі мен жануарлар дүниесі[өңдеу | қайнарын өңдеу]#

Ақжайық ауданының жері шөлейтті белдемге жатады. Топырағы негізінен қызғылт қоңыр, сортаң болып келеді. Өсімдіктерден: селеу, бетеге, еркек шөп, көкпек, жусан т.б. өседі. Жануарлардан: негізінен қасқыр, шиебөрі, түлкі, суыр, бөкен, елік, жабайы шошқа, құстан: қаршыға, құр, үкі, қаз, үйрек, тырна т.б. мекендейді.

Шаруашылығы[өңдеу | қайнарын өңдеу]#

Ауданда май және нан зауыттары, тұрмыс қажетін өтеу комбинаты, жол жөндеу учаскесі, астық қабылдау пункті, тамақ комбинаты, орман шаруашылық кәсіпорны жұмыс істейді. Ауыл шаруашылық жерінің ауданы 12,8 мың га (1997), оның ішінде егістік — 14%, шабындық — 11%, жайылым — 72%. Суармалы дәнді дақылдар, картоп, көкөніс және бақша дақылдарын өсіру дамыған. Аудан тұрғындары мүйізді ірі қара, қой, ешкі, шошқа, жылқы, түйе өсірумен айналысады. Аудан жері арқылы Орал — Атырау, Чапаев — Жаңақала, Чапаев — Фурманов автомобиль жолы өтеді. Музыка, спорт мектебі, кәсіптік-техника учильище, кітапханалар, мәдениет үйлері, кинотеатрлар, аурухана т.б. бар. 1931 жылдан қазақ, орыс тілдерінде аудандық “Еңбек”, “Труд” газеттері шығады.

Халқы[өңдеу | қайнарын өңдеу]#

Тұрғыны 40574 адам (2019). Ұлттық құрамы: қазақтар (95,76%), орыстар (3,42%), басқалары (0,82%). Тұрғындарының орташа тығыздығы 1 км²-ге 1,8 адамнан келеді.

Әкімшілік бөлінісі[өңдеу | қайнарын өңдеу]#

Аудандағы 40 елді мекен 18 ауылдық округке біріктірілген:

• Ақжол ауылдық округі – Ілбішін ауылы

• Ақсуат ауылдық округі – Ақсуат ауылы

• Алғабас ауылдық округі – Алғабас ауылы

• Алмалы ауылдық округі – Алмалы ауылы

• Базартөбе ауылдық округі – Базартөбе ауылы

• Базаршолан ауылдық округі – Базаршолан ауылы

• Бударин ауылдық округі – Бударин ауылы

• Есенсай ауылдық округі – Есенсай ауылы

• Жамбыл ауылдық округі – Жамбыл ауылы

• Жаңабұлақ ауылдық округі – Жаңабұлақ ауылы

• Көнеккеткен ауылдық округі – Көнеккеткен ауылы

• Қабыршақты ауылдық округі – Қабыршақты ауылы

• Қарауылтөбе ауылдық округі – Қарауылтөбе ауылы

• Қурайлысай ауылдық округі – Жұбан Молдағалиев ауылы

• Мерген ауылдық округі – Мерген ауылы

• Сарытоғай ауылдық округі – Жанама ауылы

• Тайпақ ауылдық округі – Тайпақ ауылы

• Чапаев ауылдық округі – Чапаев ауылы

Дереккөздер[өңдеу | қайнарын өңдеу]#

1. ↑ Батыс Қазақстан облысының Статистика департаменті. 01.07.2019

2. ↑ Қазақстан Республикасының Статистика агенттігі. Қазақстан Республикасы тұрғындарының облыстар, қалалар мен аудандар, жынысы мен жас ерекшелігі топтары, этностық бөлігі бойынша 2019 жылдың басындағы саны

3. ↑ 2009 жылғы санақ бойынша Қазақстан тұрғындарының ұлттық құрамы

4. ↑ Қазақстан почталық индекстері

5. ↑ Қазақ Энциклопедиясы