The Revelation 12

ᏥᏌ ᎦᎶᏁᏛ ᎤᎾᏄᎪᏫᏒᎯ

tsisa galonedv unanugowisvhi

The Revelation of Jesus Christ

ᏣᏂ ᏄᏍᏗ ᎠᏥᎾᏄᎪᏫᏎᎸᎢ

ᎠᏯᏙᎸᎢ 12Ꮑ

Tsani nusdi atsinanugowiselvi

ayadolvi 12ne

Tsa-ni nu-s-di a-tsi-na-nu-go-wi-se-lv-i

a-ya-do-lv-i 12ne

Revelation 12Ꮑ:

ᎤᎾᏄᎪᏫᏒᎯ 12Ꮑ:

unanugowisvhi 12Ꮑ:

Revelation 12:1

And there appeared a great wonder in heaven; a woman clothed with the sun, and the moon under her feet, and upon her head a crown of twelve stars:

ᎦᎸᎶᎢᏃ ᎦᎸᏉᏗ ᎤᏰᎸᏛ ᎤᎾᏄᎪᏨᎩ; ᎠᎨᏴ ᏅᏙ ᎢᎦ-ᎡᎯ ᎤᏄᏬᏍᏛᎩ, ᏅᏙᏃ ᏒᏃᏱ-ᎡᎯ ᎤᎳᏍᏓᎥᎩ, ᎤᎵᏍᏚᎸᎩᏃ ᎠᎵᏍᏚᎶ ᏔᏔᏚ ᏃᏈᏏ ᏗᎪᏢᏔᏅᎯ.

Ga-lv-lo-i-no ga-lv-quo-di u-ye-lv-dv u-na-nu-go-tsv-gi; a-ge-yv nv-do i-ga--e-hi u-nu-wo-s-dv-gi, nv-do-no sv-no-yi--e-hi u-la-s-da-v-gi, u-li-s-du-lv-gi-no a-li-s-du-lo ta-ta-du no-qui-si di-go-tlv-ta-nv-hi.

Revelation 12:2

And she being with child cried, travailing in birth, and pained to be delivered.

ᎾᏍᎩᏃ ᎦᏁᎵᏛ ᎨᏒ ᎢᏳᏍᏗ, ᎤᏪᎷᏅᎩ ᎠᎴ ᎤᎾᏄᎪᏫᏏᏕᎾ ᎨᏒᎩ, ᎠᎴ ᎡᎯᏍᏗ ᎤᏓᏅᏛ ᎤᏚᎵᏍᎬᎩ ᎤᎾᏄᎪᏫᏍᏗᏱ [ᎠᏲᎵ.]

Na-s-gi-no ga-ne-li-dv ge-sv i-yu-s-di, u-we-lu-nv-gi a-le u-na-nu-go-wi-si-de-na ge-sv-gi, a-le e-hi-s-di u-da-nv-dv u-du-li-s-gv-gi u-na-nu-go-wi-s-di-yi [a-yo-li.]

Revelation 12:3

And there appeared another wonder in heaven; and behold a great red dragon, having seven heads and ten horns, and seven crowns upon his heads.

ᎠᎴ ᏅᏩᏓᎴ ᎤᏍᏆᏂᎪᏗ ᎤᎾᏄᎪᏨᎩ ᎦᎸᎳᏗ; ᎠᎴ ᎬᏂᏳᏉ ᎤᏔᏅ ᎩᎦᎨ ᎤᎦᏖᎾ [ᎢᎾᏛ] [ᏫᏥᎪᎥᎩ], ᎦᎸᏉᎩ ᏓᏍᎫᏓᏛᎩ, ᎠᎴ ᎠᏍᎪᎯ ᏕᎤᎷᎬᎩ, ᎠᎴ ᎦᎵᏉᎩ ᏚᎵᏍᏚᎸᎩ ᏓᏍᎫᏓᏛᎢ.

A-le nv-wa-da-le u-s-qua-ni-go-di u-na-nu-go-tsv-gi ga-lv-la-di; a-le gv-ni-yu-quo u-ta-nv gi-ga-ge i-na-dv [wi-tsi-go-v-gi,] ga-lv-quo-gi da-s-gu-da-dv-gi, a-le a-s-go-hi de-u-lu-gv-gi, a-le ga-li-quo-gi du-li-s-du-lv-gi da-s-gu-da-dv-i.

Revelation 12:4

And his tail drew the third part of the stars of heaven, and did cast them to the earth: and the dragon stood before the woman which was ready to be delivered, for to devour her child as soon as it was born.

ᎦᏂᏓᏛᏃ ᏃᏈᏏ ᎦᎸᎳᏗ ᎠᏂᎧᎸ ᏦᎢ ᎢᏗᎦᏛᎯ ᎨᏒ ᎾᏍᎩ ᏌᏉ ᎢᏳᏪᏨᎯ ᏕᎤᏎᏒᏔᏅᎩ, ᎠᎴ ᎦᏙᎯ ᏫᏚᏗᏅᏒᎩ; ᎤᎦᏖᎾᏃ [ᎢᎾᏛ] [ᏫᏥᎪᎥᎩ] [ᎢᎾᏛᏃ] ᎢᎬᏱᏗᏢ ᎤᎴᏅᎩ ᎠᎨᏴ ᏄᏛᏅᎢ, ᎾᏍᎩ ᎤᎾᏄᎪᏫᏏᏕᎾ [ᎠᏲᎵ] ᎾᏍᎩ ᎤᏕᏃᏅᎯᏉ ᎤᏪᏯᎣᎲᏍᏗᏱ ᎤᏰᎸᏒᎩ.

Ga-ni-da-dv-no no-qui-si ga-lv-la-di a-ni-ka-lv tso-i i-di-ga-dv-hi ge-sv na-s-gi sa-quo i-yu-we-tsv-hi de-u-se-sv-ta-nv-gi, a-le ga-do-hi wi-du-di-nv-sv-gi; i-na-dv-no i-gv-yi-di-tlv u-le-nv-gi a-ge-yv nu-dv-nv-i, na-s-gi u-na-nu-go-wi-si-de-na [a-yo-li] na-s-gi u-de-no-nv-hi-quo u-we-ya-o-hv-s-di-yi u-ye-lv-sv-gi.

Revelation 12:5

And she brought forth a man child, who was to rule all nations with a rod of iron: and her child was caught up unto God, and to his throne.

ᎠᏍᎦᏯᏃ ᎠᏲᎵ ᎤᎾᏄᎪᏫᏒᎩ ᎾᏍᎩ ᎠᏙᎳᏅᏍᏗ ᏔᎷᎩᏍᎩ ᎪᏢᏔᏅᎯ ᎤᏮᏙᏗ ᎨᏒᎩ ᏗᎬᏩᏁᎶᏙᏗᏱ ᎢᏳᏩᏁᏗᏱ ᏂᎦᏛ ᎤᎾᏓᏤᎵᏛ ᏓᏁᏩᏗᏒ ᏴᏫ; ᎾᏍᎩ ᎤᏪᏥ ᎤᏁᎳᏅᏱ ᏩᏥᏅᏍᏔᏅᎩ, ᎠᎴ ᎤᎾᎳᏅᎯ ᎤᏪᏍᎩᎸᎢ.

A-s-ga-ya-no a-yo-li u-na-nu-go-wi-sv-gi na-s-gi a-do-la-nv-s-di ta-lu-gi-s-gi go-tlv-ta-nv-hi u-wv-do-di ge-sv-gi di-gv-wa-ne-lo-do-di-yi i-yu-wa-ne-di-yi ni-ga-dv u-na-da-tse-li-dv da-ne-wa-di-sv yv-wi; na-s-gi u-we-tsi U-ne-la-nv-yi wa-tsi-nv-s-ta-nv-gi, a-le U-na-la-nv-hi u-we-s-gi-lv-i.

Revelation 12:6

And the woman fled into the wilderness, where she hath a place prepared of God, that they should feed her there a thousand two hundred and threescore days.

ᎠᎨᏴᏃ ᎤᎵᏘᏒᎩ ᎢᎾᎨ ᏭᎶᏒᎩ, ᎾᎿᎤᏁᎳᏅᎯ ᎤᏛᏅᎢᏍᏓᏁᎸᎢ, ᎾᏍᎩ ᎠᎨᎳᏍᏗᏱ ᏌᏉ ᎢᏯᎦᏴᎵ ᏔᎵᏧᏈ ᏑᏓᎵᏍᎪᎯ ᏧᏒᎯᏛ.

A-ge-yv-no u-li-ti-sv-gi i-na-ge wu-lo-sv-gi, na-hna U-ne-la-nv-hi u-dv-nv-i-s-da-ne-lv-i, na-s-gi a-ge-la-s-di-yi sa-quo i-ya-ga-yv-li ta-li-tsu-qui su-da-li-s-go-hi tsu-sv-hi-dv.

Revelation 12:7

And there was war in heaven: Michael and his angels fought against the dragon; and the dragon fought and his angels,

ᏓᎿᏩᏃ ᏄᎵᏍᏔᏅᎩ ᎦᎸᎳᏗ; ᎹᏱᎩᎵ ᎠᎴ ᎾᏍᎩ ᏧᏤᎵ ᏗᏂᎧᎿᏩᏗᏙᎯ ᏚᎾᎵᎸᎩ ᏚᏂᎦᏘᎸᏒᎩ ᎤᎦᏖᎾᏃ [ᎢᎾᏛ] [ᏫᏥᎪᎥᎩ] [ᎢᎾᏛᏃ]; ᎤᎦᏖᎾᏃ [ᎢᎾᏛ] [ᏫᏥᎪᎥᎩ] [ᎢᎾᏛᏃ] ᎠᎴ ᎾᏍᎩ ᏧᏤᎵ ᏗᏂᎧᎿᏩᏗᏙᎯ ᏚᎾᏟᏴᎲᎩ,

Da-hna-wa-no nu-li-s-ta-nv-gi ga-lv-la-di; Ma-yi-gi-li a-le na-s-gi tsu-tse-li di-ni-ka-hna-wa-di-do-hi du-na-li-lv-gi du-ni-ga-ti-lv-sv-gi i-na-dv; i-na-dv-no a-le na-s-gi tsu-tse-li di-ni-ka-hna-wa-di-do-hi du-na-tli-yv-hv-gi,

Revelation 12:8

And prevailed not; neither was their place found any more in heaven.

ᎠᎴ ᎥᏝ ᏳᎾᏓᏎᎪᎩᏎᎢ; ᎥᏝ ᎠᎴ ᎿᏉ ᎢᎸᎯᏳ ᏳᏂᏩᏛᎮ ᎦᎸᎳᏗ ᎤᎾᏕᏗᏱ.

A-le v-tla yu-na-da-se-go-gi-se-i; v-tla a-le hna-quo i-lv-hi-yu yu-ni-wa-dv-he ga-lv-la-di u-na-de-di-yi.

Revelation 12:9

And the great dragon was cast out, that old serpent, called the Devil, and Satan, which deceiveth the whole world: he was cast out into the earth, and his angels were cast out with him.

ᎾᏍᎩᏃ Ꮎ ᎤᏔᏅ ᎤᎦᏖᎾ [ᎢᎾᏛ] [ᏫᏥᎪᎥᎩ] ᎠᏥᏄᎪᏫᏒᎩ, ᎾᏍᎩ Ꮎ ᎠᎦᏴᎵ ᎢᎾᏛ, ᎠᏍᎩᎾ ᏣᎪᏎᎭ, ᎠᎴ ᏎᏓᏂ, ᎾᏍᎩ ᏥᏕᎦᎶᏄᎮᎭ ᏂᎬᎾᏛ ᎡᎶᎯ [ᎠᏁᎯ;] ᎾᏍᎩ ᏓᏰᏥᏄᎪᏫᏒᎩ ᎡᎶᎯ ᏓᏰᎦᏓᎢᏅᏒᎩ, ᎠᎴ ᎾᏍᎩ ᏧᏤᎵ ᏗᏂᎧᎿᏩᏗᏙᎯ ᎢᏧᎳᎭ ᏓᎨᏥᏄᎪᏫᏒᎩ.

Na-s-gi-no na u-ta-nv i-na-dv a-tsi-nu-go-wi-sv-gi, na-s-gi na a-ga-yv-li i-na-dv, A-s-gi-na tsa-go-se-ha, a-le Se-da-ni, na-s-gi tsi-de-ga-lo-nu-he-ha ni-gv-na-dv e-lo-hi [a-ne-hi;] na-s-gi da-ye-tsi-nu-go-wi-sv-gi e-lo-hi da-ye-ga-da-i-nv-sv-gi, a-le na-s-gi tsu-tse-li di-ni-ka-hna-wa-di-do-hi i-tsu-la-ha da-ge-tsi-nu-go-wi-sv-gi.

Revelation 12:10

And I heard a loud voice saying in heaven, Now is come salvation, and strength, and the kingdom of our God, and the power of his Christ: for the accuser of our brethren is cast down, which accused them before our God day and night.

ᎠᏆᏛᎦᏅᎩᏃ ᎠᏍᏓᏯ ᎧᏁᎬ ᎯᎠ ᏅᏗᎦᏪᏍᎬ ᎦᎸᎳᏗ, ᎿᏉ ᎠᎵᏰᎢᎶᎦ ᎠᎵᏍᏕᎸᏙᏗ ᎨᏒ ᎠᎴ ᎤᎵᏂᎩᏛ ᎨᏒᎢ, ᎠᎴ ᎢᎦᏁᎳᏅᎯ ᎾᎿᎤᎬᏫᏳᎯ ᎨᏒᎢ, ᎠᎴ ᎤᎵᏂᎩᏗᏳ ᎨᏒ ᎦᎶᏁᏛ ᎾᏍᎩ ᎤᏤᎵᎦ; ᎢᏓᎵᏅᏟᏰᏃ ᎨᏒ ᎤᏄᎯᏍᏗᏍᎩ ᎡᎳᏗ ᏩᎦᏓᎤᎦ; ᎾᏍᎩ ᏧᏄᎯᏍᏗᏍᎬ ᎢᎦᏁᎳᏅᎯ ᎠᎦᏔᎲᎢ ᎢᎦ ᎠᎴ ᏒᏃᏱ ᏗᎬᏩᏜᏓᏍᏗ.

A-qua-dv-ga-nv-gi-no a-s-da-ya ka-ne-gv hi-a nv-di-ga-we-s-gv ga-lv-la-di, Hna-quo a-li-ye-i-lo-ga a-li-s-de-lv-do-di ge-sv a-le u-li-ni-gi-dv ge-sv-i, a-le I-ga-ne-la-nv-hi na-hna u-gv-wi-yu-hi ge-sv-i, a-le u-li-ni-gi-di-yu ge-sv Ga-lo-ne-dv na-s-gi u-tse-li-ga; i-da-li-nv-tli-ye-no ge-sv u-nu-hi-s-di-s-gi e-la-di wa-ga-da-u-ga; na-s-gi tsu-nu-hi-s-di-s-gv I-ga-ne-la-nv-hi a-ga-ta-hv-i i-ga a-le sv-no-yi di-gv-wa-dla-s-di.

Revelation 12:11

And they overcame him by the blood of the Lamb, and by the word of their testimony; and they loved not their lives unto the death.

ᎠᎴ ᎬᏩᏎᎪᎩᏍᏔᏅᎩ ᎤᏃᏕᎾ ᎠᎩᎾ ᎤᎩᎬ, ᎠᎴ ᎬᏂᎨᏒ ᎾᏅᏁᎲ ᎤᏃᎯᏳᏒᎢ, ᎾᏍᎩ ᏓᏅᏅ ᏂᏚᏂᎸᏉᏛᎾ ᎨᏒᎢ.

A-le gv-wa-se-go-gi-s-ta-nv-gi U-no-de-na a-gi-na u-gi-gv, a-le gv-ni-ge-sv na-nv-ne-hv u-no-hi-yu-sv-i, na-s-gi da-nv-nv ni-du-ni-lv-quo-dv-na ge-sv-i.

Revelation 12:12

Therefore rejoice, ye heavens, and ye that dwell in them. Woe to the inhabiters of the earth and of the sea! for the devil is come down unto you, having great wrath, because he knoweth that he hath but a short time.

ᎾᏍᎩ ᎢᏳᏍᏗ ᎢᏣᎵᎮᎵᎩ ᏂᎦ ᎦᎸᎶᎢ ᎨᏒᎢ, ᎠᎴ ᏂᎯ ᎾᎿᏥᏤᎭ. ᎤᏲᎢᏳ ᎢᏣᎵᏍᏓᏁᏗ ᎡᎶᎯ ᎢᏤᎯ, ᎠᎴ ᎠᎺᏉᎯ ᎢᏤᎯ! ᎠᏍᎩᎾᏰᏃ ᎢᏣᏠᎠᏎᎵᎦ, ᎤᏣᏘ ᎤᏔᎳᏬᏍᎬᎢ ᎠᎦᏔᎭᏰᏃ ᎤᏍᏆᎳᎯᏳ ᎨᏒ ᎠᎦᎵᏍᎪᎸᏓᏁᎸᎢ.

Na-s-gi i-yu-s-di i-tsa-li-he-li-gi ni-ga ga-lv-lo-i ge-sv-i, a-le ni-hi na-hna tsi-tse-ha. U-yo-i-yu i-tsa-li-s-da-ne-di e-lo-hi i-tse-hi, a-le a-me-quo-hi i-tse-hi! a-s-gi-na-ye-no i-tsa-tlo-a-se-li-ga, u-tsa-ti u-ta-la-wo-s-gv-i a-ga-ta-ha-ye-no u-s-qua-la-hi-yu ge-sv a-ga-li-s-go-lv-da-ne-lv-i.

Revelation 12:13

And when the dragon saw that he was cast unto the earth, he persecuted the woman which brought forth the man child

ᎤᎦᏖᎾᏃ [ᎢᎾᏛ] [ᏫᏥᎪᎥᎩ] [ᎢᎾᏛᏃ] ᎤᏙᎴᎰᏒ ᎦᏙᎯ ᏣᎦᏓᎢᏅᏒᎢ, ᎤᏕᏯᏙᏔᏅᎩ ᎠᎨᏴ ᎾᏍᎩ Ꮎ ᎠᏍᎦᏯ ᎤᎾᏄᎪᏫᏒᎯ.

I-na-dv-no u-do-le-ho-sv ga-do-hi tsa-ga-da-i-nv-sv-i, u-de-ya-do-ta-nv-gi a-ge-yv na-s-gi na a-s-ga-ya u-na-nu-go-wi-sv-hi.

Revelation 12:14

And to the woman were given two wings of a great eagle, that she might fly into the wilderness, into her place, where she is nourished for a time, and times, and half a time, from the face of the serpent.

ᎠᎨᏴᏃ ᏔᎵ ᏓᏥᏕᎸᎩ ᎠᏬᏎᎵ ᎤᏔᏅ ᏗᎧᏃᎨ, ᎾᏍᎩ ᎢᎾᎨ ᏭᏃᎯᎸᏍᏙᏗᏱ ᎠᏥᏰᎸᎾᏁᎸᎩ, ᎾᎿᎤᏤᎵᎪᎯ ᏗᎨᏒᎢ, ᎾᎿᎠᎨᎳᏍᏗᏱ ᏑᏕᏘᏴᏛ, ᎠᎴ ᏔᎵ ᏧᏕᏘᏴᏛ, ᎠᎴ ᎠᏰᎵ ᎢᏳᏕᏘᏴᏛ, ᎾᏍᎩ ᎠᏥᎧᎲᏍᏗᏱ ᎢᎾᏛ ᎠᎦᏔᎲᎢ.

A-ge-yv-no ta-li da-tsi-de-lv-gi a-wo-se-li u-ta-nv di-ka-no-ge, na-s-gi i-na-ge wu-no-hi-lv-s-do-di-yi a-tsi-ye-lv-na-ne-lv-gi, na-hna u-tse-li-go-hi di-ge-sv-i, na-hna a-ge-la-s-di-yi su-de-ti-yv-dv, a-le ta-li tsu-de-ti-yv-dv, a-le a-ye-li i-yu-de-ti-yv-dv, na-s-gi a-tsi-ka-hv-s-di-yi i-na-dv a-ga-ta-hv-i.

Revelation 12:15

And the serpent cast out of his mouth water as a flood after the woman, that he might cause her to be carried away of the flood.

ᎢᎾᏛᏃ ᎠᎰᎵ ᏓᏳᏄᎪᏫᏒᎩ ᎠᎹ ᏥᎦᏃᎱᎩᏍᎪ ᎾᏍᎩᏯᎢ, ᎠᎨᏴ ᎤᎨᎮᎩ ᎾᏍᎩ ᎦᏃᎱᎩᏍᎬ ᎤᏅᏍᏙᏗᏱ ᎤᏰᎸᏅᎩ.

I-na-dv-no a-ho-li da-yu-nu-go-wi-sv-gi a-ma tsi-ga-no-hu-gi-s-go na-s-gi-ya-i, a-ge-yv u-ge-he-gi na-s-gi ga-no-hu-gi-s-gv u-nv-s-do-di-yi u-ye-lv-nv-gi.

Revelation 12:16

And the earth helped the woman, and the earth opened her mouth, and swallowed up the flood which the dragon cast out of his mouth.

ᎦᏙᎯᏃ ᎤᏍᏕᎸᎲᎩ ᎠᎨᏴ, ᎠᎴ ᎦᏙᎯ ᎤᏍᏚᎢᏒᎩ ᎠᎰᎵ ᎠᎴ ᎤᎩᏐᏅᎩ ᎦᏃᎱᎩᏍᎬ ᎾᏍᎩ ᎤᎦᏖᎾᏃ [ᎢᎾᏛ] [ᏫᏥᎪᎥᎩ] [ᎢᎾᏛᏃ] ᎠᎰᎵ ᏅᏓᏳᏄᎪᏫᏒᎯ.

Ga-do-hi-no u-s-de-lv-hv-gi a-ge-yv, a-le ga-do-hi u-s-du-i-sv-gi a-ho-li a-le u-gi-so-nv-gi ga-no-hu-gi-s-gv na-s-gi i-na-dv a-ho-li nv-da-yu-nu-go-wi-sv-hi.

Revelation 12:17

And the dragon was wroth with the woman, and went to make war with the remnant of her seed, which keep the commandments of God, and have the testimony of Jesus Christ.

ᎠᎴ ᎤᎦᏖᎾᏃ [ᎢᎾᏛ] [ᏫᏥᎪᎥᎩ] [ᎢᎾᏛᏃ] ᎤᎿᎸᏤᎸᎩ ᎠᎨᏴ, ᎠᎴ ᏓᎿᏩ ᎢᏧᏩᏁᏗᏱ ᎤᏰᎸᏅᎩ ᎤᎾᎵᏃᎯᏴᎯ ᎾᏍᎩ [ᎠᎨᏴ] ᎤᏁᏢᏔᏅᎯ ᎨᏒᎢ, ᎾᏍᎩ Ꮎ ᎠᏂᏍᏆᏂᎪᏗᏍᎩ ᏗᎧᎿᏩᏛᏍᏗ ᎤᏁᎳᏅᎯ ᏧᏤᎵᎦ, ᎠᎴ ᎤᏂᎯ ᏥᏌ ᎦᎶᏁᏛ ᎤᏤᎵ ᎪᎯᏳᏗᏍᎩ.

A-le i-na-dv u-hna-lv-tse-lv-gi a-ge-yv, a-le da-hna-wa i-tsu-wa-ne-di-yi u-ye-lv-nv-gi u-na-li-no-hi-yv-hi na-s-gi [a-ge-yv] u-ne-tlv-ta-nv-hi ge-sv-i, na-s-gi na a-ni-s-qua-ni-go-di-s-gi di-ka-hna-wa-dv-s-di U-ne-la-nv-hi tsu-tse-li-ga, a-le u-ni-hi Tsi-sa Ga-lo-ne-dv u-tse-li go-hi-yu-di-s-gi.