Atal honetan, Adierazpen Dramatikoko Proiektuaren eszenografiak osatzen duen guztia azalduko dugu. Gure antzezlana “Euritakoak” du izena. Izenburu hau gure abiapuntutzat hartutako objektutik dator. Umeek, helduok ez bezala, euritakoa jostailua bezala erabiltzen dute. Hortaz, ideia ona iruditu zitzaigun “euritakoa” objektu gisa hautatzea. Vea Vecchi-k (2013) dioen bezala, haurrak orokorrean inolako aurreiritzi gabe mundura hurbiltzen dira eta bertan esperimentatzeko erraztasuna dute, askatasunean utziz. Gainera, objektu honek parada andana ematen ditu antzezlanean erabiltzeko.

Beraz, gure antzezlanean eszenografiaren bidez adierazi nahi ditugun helburu orokorrak gizakiok alde erreala edo objektiboa dugula adieraztea eta helduok ere umeek bezala irudimenezko mundu magikoa dugula erakustea dira.

Gure antzezlanean kontatzen dugun istorioaren bidez, gure gizartean egunerokotasuneko abiaduragatik eta errutinagatik ez garela gauza txikietan gelditzen eta horregatik sormenaren eta fantasiaren falta sumatzen dugu. Hori dela eta, errealitateko edozein objekturen bidez beste errealitate bat eraiki dezakegu gure irudimenari jarraituz. Honekin, ikusle guztiok, bai helduak eta bai haurrak, errealitate fantastikoa eraikitzeko gai garela ikusaraztea lortu nahi dugu.

Nahiz eta adin guztietarako egokia izan gure antzezlana 0-3 urteko umeei zuzenduta dago haien ezaugarrietara egokituz. Horrekin batera, familiek gozatzea ere garrantzitsua iruditzen zaigu umearen erreferenteak direlako.

Helburu pedagogikoekin hasteko, haurrek dituzten eskubide nabarmen batzuk aipatuko ditugu. Horretarako, Carta dei diritti dei bambini all´arte e Cultura (2013) kontuan hartu izan dugu. Bertan, haurrek kulturari eta arteari sarbidea izateko eskubideak azaltzen baititu.

Gure antzezlanean, ikuspegi globala eta malgua duen eredu batean zentratu gara, hau da, proposamen pedagogiko globalagoa da, non jakintza pedagogiko-artistikoak elkartzen diren kreatibitate arrazionala, bateratzailea eta intuitiboa sustatuz. Honekin batera, esan beharra dago kreatibitatea beste konpetentziak bezala landu behar dela, baina ez zeharkako era batean, baizik eta helburu bat bezala.(Vecchi, 2013 eta Agut, eta Hernando, 2015)

Gainera, hizkuntza plastikoa eta ikusizkoaren bidezko elementu asko erabili ditugu eszenografia aurrera eramateko, izan ere, eszenografiak elementu bisualen bidez komunikatzeko aukera anitzak eman dizkigu eta gure helburu pedagogikoak betetzen laguntzen ditu. “ Programmazione eta Progettazione”

Lehendabiziko zikloan oinarrituko gara, hots, 0-3 urte bitarteko haurrentzat. Heziberriko eremuari begira, bietatik aterako ditugu gure eszenografiarekin bat doazen gaitasun zein helburuak. Gure antzezlanean heziberrik (2020, 237/2015) ezartzen dituen helburu orokorrak betetzen ditu eta gure helburu pedagogikoekin bat egiten dute, hala nola:

1. Arteari hurbilena emanez, hizkuntza guztien elkarreraginari esker estetika bisuala sortzea, oinarrizko jakintza bezala hizkuntza bisuala esperimentatzea eta adimen semantikoa eta ikonikoa garatzea. Helburu hauek lortzeko, gure antzezlanean , dantza, musika, teknologia eta gorputza nahi dugun efektu bisuala eta estetikoa lortzeko; eta horrela mundu magikoa eraikitzen da.
2. Kultura eta artea ezagutzea eta huraz gozatzea.
3. Artearekiko, antzerkiarekiko eta kulturarekiko jakin-mina piztea.
4. Irudimena eta fantasia elikatzea.
5. Gorputza, musika eta pantaila erabiliz lortuko dugun efektu estetikoaren bitartez hizkuntza guztien kontrastea barneratzen eta bereizten hastea.
6. Era ludiko batean, dimentsio estetiko, audiobisuala eta teknologikoa ezagutzea.
7. Eszenografiaren bidez, funtzio komunikatiboa, kontzeptuala, sinbolikoa, estetikoa eta filosofikoen oinarriak ezartzea. (Zuazagoitia, Vizcarra, Aristizabal, Bustillo, eta Tresserras, 2014, Tresserras, 2017., Vecchi, 2013., eta Rodari, 2014).
8. Teknologiarako konpetentzia. Teknologiaren bitartez estetika bisuala lortzea, ikasleak ikaskuntzaren protagonista izaten laguntzea, ikaslearen erritmoa eta denbora errespetatzea eta beti lagunduta dagoela sentiaraztea. (Sevillano, 2013). Helburu hau lortzeko, gure antzezpenean protagonistak egiten du paper hori haurrekin interaktuatuz; esate baterako proiekzioak daudenean protagonista publikoarekin komunikatuko da laugarren pareta apurtuz.
9. Industriak eskaintzen dituen estetika bisualarekin haurra harremanetan jarri aurretik, haurrei estetika bisualaren eredu egokiak eskaintzea. (L´ Ecouyer-ek , 2012). Helburu hau lortzeko, gure estetika bisuala oso zainduta egongo da. Esaterako, ikonotasun mailari dagokionez kontrasteak emango dira mundu errealaren eta mundu magikoaren artean. Mundu errealean ikonotasun maila handia egongo da eta mundu magikoan aldiz, oso baxua izango da.
10. Elkarbizitzarako konpetentzia eta konpetentzia sozial eta zibikoa. Antzezlanean estetikaren bidez emozio errealak eta komunikatzeko estrategiak trasmititzea. Helburu hau lortzeko, mundu errealean eta mundu magikoan agertzen diren estetika bisualen bidez emozio desberdinak sentiaraztea lortu nahi dugu, enpatia lortuz.
11. Arterako konpetentzia. Honekin lortu nahi duguna irudimena, fantasia, arrazonamendu kognitiboa eta sensiblea beti batera egotea, hau da, eszenografia bi mundutan zatituta dagoenez, gure helburua begirada ezberdinak sortzea da. Era berean, mundu erreala eta magikoaren bidez pentsamendu dibergentea sustatzea. (Vecchi, 2013). Hortaz gain, mundu errealeko objektu garrantzitsuena euritakoa izango da. Euritakoari esanahi eta erabilera ezberdinak izango ditu errealitatearekin loturak apurtuz edo beste errealitate desberdina eraikiz.

Atal honetan, gure eszenografia sortzeko erabili ditugun inspirazio iturriak aurkeztuko ditugu gure antzezlanean eragin handia izan dutelako.

Gure eszenografia sortzeko inspirazio iturri desberdinak bilatu ditugu; izan ere objektu zehatz batetik hasi ginen; euritakoa. Euritakoa gure antzezlan osoa aurrera eramateko abiapuntua izan da, izan ere, eszenografian ere objektu honetatik abiatu gara.

Lehenik, aterkinekin egindako artelanak bilatu genituen, lehenengo erreferentearekin topatuz, honetan Ivo Tavaresen lanarekin topatu ginen. Lan honetan ikus dezakegu hainbat koloretako aterkinek nolako efektua sortzen duten. Esaterako, euritako batzuk beste batzuen ondoan kokatuz sabaia sortzea. Bertan, interesgarria da euritakoetatik pasatzen den argia, kaleko lurzoruan nola geratzen den behatzea.

Era berean, esan dezakegu, Ivo Tavareseko obratik hartu izan dugula gure mundu magikoaren eszenografia osatzeko ideia. Mundu magikoaren lurzoruan zehar hainbat euritako modu estrategiko batean kokatuko ditugu, eta hauek errealitatean ikusten dugunaren mundu ezberdina eraikiko dute.