ATEA

Mundu batetik bestera igarotzeko ate bat behar genuen eta ez genekien zer nolako atea erabili. Egun batean etxera joateko momentuan eskailera bat ikusi genuen unibertsitatean eta behetik igarotzeko tokia zegoenez, gure antzerkirako egokia izango zen objektua zela pentsatu genuen. Hortaz aparte, eskailera bat etxe barruan zein kalean aurkitu dezakegunez, gure bi munduen hondo guztiekin bat egiten du. Ateari natura sartu diogu mundu errealean hobeto kamuflatzeko eta aldi berean, garrantzia izateko foku bat izango du goikaldean zelofan urdinarekin.

EURITAKO BEREZIA (giltza moduan erabiliko dena)

Protagonistaren euritakoa zuria izango da, baina beste euritakoetatik bereizteko margo fosforitoa izango du espiralen forman margoztuta. Elina Chauvet sortutako "Zapatos Rojos" izeneko happening-a erreferente moduan hartuta. Gure antzerkian agertzen den mundu erreala kolore ilunez osatuta dago, zuria kolore neutroa denez eta mundu magikoan iluntasuna eta argi beltzak nagusi izango direnez, kolore hori kontrastea egiteko egokia dela uste dugu. Mundu errealean, euritako normal baten itxura izango du, baina mundu magikoan garrantzia handia izango du nahiz eta zuria izan kolore biziak ere barne hartzen dituelako.

EURITAKO GARDENA

Euritako hau besteekin alderatuz guztiz desberdina da, garrantzia izango duelako antzezlanaren momentu batean. Euritakoa gardena da argiak izango dituelako bere barnean, modu honetan argiak ikusi egingo dira. Erreferente moduan Teatro de la plaza konpainiaren "Como El Agua" antzezpena hartu genuen. Argiekin publikoaren eta egiten diren mugimendu geldoaren artean loturak sortzen dira. Honekin gozamena sorrarazten da eta publikoaren atentzioa mantentzea lortzen da.

EURITAKO ZURIAK

Euritako hauek lurrean egongo dira zabalik, modu estrategiko batean kokaturik. Ideia hori Ivo Tavaresen instalazio batetik atera genuen. Instalazioa honetan kolore desberdineko euritakoek sabaia sortzen dute, gurean sabaian egon beharrean lurrean eta espalderetan egongo dira erabilpen anitzak izango dituztelako.

Zuriak izatea erabaki genuen "Teatres de la Llum" konpainiaren lan bat ikusi ondoren. Teatro honek argien pedagogian jartzen du fokua, era berean, gure intentsioa giro gozo bat sortzea da musikaren eta argien bidez, baina beti euritakoak bertan egonda.

HOSTOAK ETA ADARRAK (natura)

Gure antzerkiaren mundu errealean lurretik hostoak eta adarrak egongo dira botata, hondoaren beheko aldean eta publikoaren aurrean. Modu honetan, errealismo gehiago ematen diogu mundu honi eta gainera publikoaren eta antzezlekuaren arteko muga ere jartzen dugu.

Hau pentsatu genuen "La era de los parque de gaucho" irakurri genuenean. Parke hauek ondo daude haurrek minik ez hartzeko jauzi egiten direnean, baina beste alde batetik begiratzen bada, industrializaziorantz eramaten da. Zoru hauek irudimenari eta jolasari parte hartze gutxi uzten diete eta gure asmoa material naturala jartzean estetika horrekin apurtzea da.

Hauek dira gure pertsonaiak erabiliko dituzten atrezzoak, hauen argazkiak ikusteko petsonaien atalera jo.

• ARGAZKI KAMERA. Beltza izango da eta argazkilari profesionalek erabiltzen duten modukoa.
• MUGIKORRA. Gaur egungo mugikor bat.
• TXAKURRAREN KORREA. Morea izango da, kolore hotzarekin jarraitzeko mundu errealean agertzen baita.
• TXAKURRAREN PILOTA. Urdina izango da, kolore hotza delako eta modu honetan mundu errealeko armoniarekin bat egingo duelako.
• ZORROA. Handia eta beltza izango da, sorbaldan zintzilikatzekoa.
• BEROKIAK. Beltzak eta txanorik gabeakoak izango dira biak.