Enigma matematikoak

EGOERA PLANTEATZEN

Ziur guztiok jaso ditugula halako enigma matematikoak whatsapp-aren bidez. Batzuk asmakizun bezala aurkezten dizkigute, beste batzuetan e-mojiak erabiltzen dira "kriptogramak" bezala, batzuetan, arazoa irudi baten bidez dator eta esaldi batekin lagunduta: "hau pertsonen % 10k besterik ez du asmatzen", txisteak ere badaude!

Hona hemen oso ezagunak diren batzuk. Jarri taldeka eta saiatu egiten logika soilik erabiliz, 1-4 dinamikaren bidez, hots, lehendabizi bakoitza saiatzen da eta gero lauen artean eztabaidatzen dugu.

Behin adostuta, nork bere koadernoan idatziko du zein prozedura erabili dugun asmatzeko.

Zenbakiak asmatzen

Zenbaki bat pentsatu eta ondorengo operazioak egin:

Zenbakia gehi 7
Emaitza bider 2
Emaitza ken 6
Emaitza zati 2
Emaitza ken pentsatu duzun zenbakia

Baitetz azken emaitza 4 dela!

Kriptogramak e-mojien bidez

Neurri enigmatikoak

Zoriontasun formula

Psikologo batzuen arabera zoriontasuna (Z) hurrengo aldagaien menpe dago:

Ezaugarri pertsonalak (EP), bizitzaren filosofia, moldatzeko gaitasuna, umorea…
Pertsonen egoera orokorra (EG), osasuna, lana, lagunak… bider 5
Bizitzaren ametsak (BA), ilusioak, autoestimua, itxaropena...bider 3

Z= EP + 5EG + 3BA

Ados zaude?, proportzioa ondo deritzozu?, aldaketa bat egingo zenioke?

Truko hauetan eta eguneroko egoera askotan, kopuru ezezagunekin lan egin behar ditugunean, hizkera matematiko bereziak laguntzen gaitu: Aljebra

Sekuentzia didaktika honetan zehar hizkera hau menperatuko dugu eta aurreko truko bezalakoak interpretatzekoa zein gureak sortzeko gai izango gara. Aljebra aplikatuz, ikusiko dugu nola errazago egiten diren.

Gure lan guztiekin HORMA-IRUDI MATEMATIKOA egingo dugu.

Irudiaren jatorria. Students Making an Equations Banner in Algebra. Twitter, @hthmathematics

Google Sites

Report abuse