Ekuazioak

Orain, taldean, ekuazioekin jolastuko dugu. Ziur gogaratzen dugun karta-jolas famatu hari, "familiak", ez da? Ba, jolas honetako helburua bera da, baina, munduko familiak elkartu beharrean, ekuazio bat irtenbideratzeko lau urratsak elkartu behar ditugu.

Materiala: 32 karta-sorta, lau multzotan banaturik. Multzo bakoitzak ekuazio bat ebazte-urratsa da, hau da:

• 1.multzoa: 8 karta Ax + B = Cx + D
• 2.multzoa: 8 karta Ax – Cx =D – B edo B – D= Cx – Ax
• 3.multzoa: 8 karta M x = N
• 4.multzoa: 8 karta x = M / N

Karta-familia baten adibidea:

Arauak:

1. Lau laguneko taldean eraturik, jokalari bakoitzak 8 karta jasotzen ditu eta hasten gara txandakatzen
2. 1.multzoko karta duen lehenengoak mahai gainean kokatzen du
3. Hurrengoak, ekuazio honen ebaztearen urrats bat baldin badu, kokatzen du, dagokion espazioa uzten, edo, 1.multzoko karta bat badu, baita ere. Bestela paso egin behar du.
4. Hirugarrenak mahai gainean dauden kartak osotzen joan behar du, prozedura bera jarraituz.
5. Irabazlea: bere 8 karta mahai gainean kokatzen dituen lehenengoa

Ekuazioen karrera.

Berotzeko pizxa bat, taldeen arteko lehiaketa txikia egingo dugu.

Launaka jarrita, bat bestearen atzean kokatzen gara. Lehengoak karreraren orria jasotzen du. Karrera hasten denean, 1.problema egiten eta erantzuna idazten du koadroan. Bukatu bezain laster, bere atzean dagoenari luzatzen dio orria. Bigarren honek, 1.problemaren erantzuna erabiliz, 2.problemari ekiten dio prozedura bera jarraitzen eta abar. Lau problema denbora gutxien egiten duen taldeak irabazten du.