Aljebraren lengoaia

INFORMAZIOA ESKURATZEN

Aljebraren munduan sartzeko, lehendabizi bere lengoaia ezagutu behar dugu.

Matematikan, ezezagunak ez diren kopuruak adierazteko letrak erabiltzen dira eta honetan, hain zuzen ere, aljebraren lengoaia datza, adierazpen aljebraikoa deitzen da. Ohiko letrak X, Y edo Z dira, baina edozein erabili ahal dugu.

Erne!, adierazpen aljebraikoetan, biderketak adierazteko ez da X zeinurik erabiltzen, X ezezagunarekin ez nahasteko. Beraz, aljebran, 2X honela irakurtzen da: 2 bider X

Norberak, arretaz, minutu batzuk emango ditu hurrengo adierazpen aljebraikoak irakurtzeko:

Zenbaki baten bikoitza: 2X
Zenbaki baten herena: X/3
Zenbaki baten karratua: x^2
Zenbaki baten ondokoa: X+1
Zenbaki baten aurrekoa: X-1

Zenbaki bikoiti bat: 2X
Zenbaki bakoiti bat: 2X+1
Bi zenbakien arteko zatidura: X/Y
Zenbaki baten eta horren aurrekoaren arteko biderkadura: X (X-1)
Zenbaki baten laukoitzaren herena: 4X/3

TREBATZEN

Hizkuntza aljebraikoaren itzultzaileak izango gara. Ondoren, pausoz pauso joateko 3 fluxu-diagrama dauzkazue. Diagramak era honetan osotu behar dituzue:

Batek diagramaren pauso bat betetzen du eta segituan dagoen kide bati luzatzen dio. Hurrengo honek bigarren pausoarekin jarraitzen du eta bere ondokoari ematen dio….bukatu arte. Norbait zalantzan egonez gero denon artean lagunduko dugu.

Zenbaki ezezaguna: X.

Orain, kontrakoa egingo dugu, hau da, bakoitzak pauso bat asmatzen du, bigarrenak beste bat, hirugarrenak beste bat eta laugarrenak adierazpen aljebraiko osoa idatziko du. Halaber, azken honek beste ariketa bat hasiko du.

Orain, taldeka, hurrengo ariketak egingo ditugu, aurrean deskribatutako "ariketa birakaria" dinamika jarraituz:

monomioak

MUGITZEN

Primerako itzultzaileak gara!!! Adierazpen aljebraikoak birpasatuko ditugu ondorengo dinamikaren bitartez.

Hona hemen esaldi eta ekuazio batzuk txartel batzuetan jarrita. Hizkuntza aljebraikora “itzuli” behar duzu. Horretarako:

Klaseko lagunak bi taldetan banatzen gara. Talde bakoitzak txartel multzo bat jasotzen du, batek lengoaia arruntean idatzita dagoena eta beste batek matematiko eran dagoena.
Irakaslearen seinale batez, zutik jarriko eta ikasgelatik ibiliko gara. Irakasleak "geldi" esango duenean, kide batekin elkartuko gara eta gure txartelak betetzen hasiko gara.
Batek txartel bat irakurriko du, adibidez, "zenbaki baten hirukoitza" eta bikoteak bere txarteletan aurkitu behar izango du. Orduan, bakoitzak bere txartelari falta zaiona beteko du, hots, letrak (esaldia) edo adierazpen aljebraikoa.
Berriro ibiltzen hasiko gara beste kide baten bila eta hurrengo txartelari ekingo diogu, txartel guztiak bete arte.

Google Sites

Report abuse