Gidoi dramatikoa

Legenda:

• Hondoak

• Musika

• Ezkerreko fokoak

• Eskumako fokoak

• Protagonista

• Amona

• Aita

• Mamuak

• Zuzendaria

• Harrera familia

1.eszena

• Hasieran dena ilun

• 1.Hondoa: trenbidea egunez

• Musika lasaiarekin batera (Bebo Valdes- tu)

• Atera zuzendutako lurreko foko txikia piztuko da

• Protagonista atetik sartu eta lurreko oihala bilduko du, eskuan hartuz

• Pantailaren atzetik (oso gertu) pasako da motel, itzala ikusiko da eta oholtzaren ezkerraldera iritsi

• Foko txikia itzaliko da

• Argia piztuko da (erdiko fokoa)

• Protagonista oholtzaren ezkerreko aldetik erdigunera maleta eskuan daramalarik

• Hasieran denek zapaldu dugun oihala eskuan darama eta publikoaren aurrean zabaltzen du

• Zikinkeria kentzen dio

• Gure aurrean janzten du eta maleta berriz hartu

• Pausu batzuk aurrera

• Maleta lehen lerroan jarri eta ireki egingo du

• Zerbaiten bila hasiko da baina apuratu egingo da, galdu duelakoan

• Dena aterako du, maleta deseginez presaka

• Ur botila bat aterako du arropa artetik eta besarkatu egingo du pozaren pozez

• Trago bat eman eta gorde egingo du

• Musikaren bolumena jaisten joango da, entzuten jarraituko da

• Maleta eta objektuen nahas-mahasaren artean kokatuko da belauniko

• Ezkerreko fokoa piztuko da

• Objektua eta arropak atontzen hasiko da, maletan sartzen

• Fokoak itzaliko dira eta argi-beltza piztuko

• Bat-batean kolore fosforitoz egindako paperezko hegazkin bat hartuko du eskutan eta hegan bezala hasiko da eszenatokian zehar publikotik hurbil eta jolas-hotsak ateraz

• Musika geldituko da

• Protagonistak emozioz garrasi eginen du: “Hegazkina hartu eta hegan joan nahi nuke, ez dakit nora. Hemendik urrun, oso urrun.”

• Urrun hitza bukatu aurretik protagonistak hegazkina goraka botako du, berehala lurrera erori dadin

• Hegazkinak lurra ukitzerako erdiko fokoa piztu

• Pena aurpegiz lurreko hegazkinari begira geratuko da une batez

• Argi-beltza itzali eta ezkerreko fokoa piztuko da

• Lehengo lekura itzuliko da, maletaren eta objektuen montoiaren parera

• Musika berriro entzungo da, hasieran bolumen baxuan eta igoz joango da gero

• Maleta atontzen jarraituko du

• Arropak tentuz tolestu eta asko zainduko ditu

• Galtzerdi koloretsu bakarrera iritsi arte

• Eskuan sartuko du galtzerdia

• Musika geldituko da

• Elkarrizketa bat hasiko da galtzerdiaren eta protagonistaren artean:

  • Kaixo, nor zara zu?

  • Zure galtzerdia, lelo halakoa!

  • Baina, zertara etorri zara hona, nirekin jolastera?

  • Zurekin? Ez, ez…

  • Nire laguna izatera?

  • Ba… ez!

  • Nire oinak bero mantenduko dituzu behintzat!

  • Ez pentsa, zuloak dauzkat edonon

• Protagonistak amorruz kenduko du galtzerdia, maletan sartuko du eta galtzerdiaren lehen esaldia errepikatuko du baina “i” bokala erabiliz (ziri giltzirdii, lili hilikii)

• Lehengo lekura itzuliko da, maletaren eta objektuen montoiaren parera

• Musika berriro entzungo da, hasieran bolumen baxuan eta igoz gero

• Maleta atontzen jarraituko du

• Panpinera iritsiko da eta izoztu eginen da

• Musika isilduko da

• Ezkerreko eta erdiko fokoak itzali

• 2.Hondoa: amonaren xala

• Eskuineko fokoa piztu

• Amona bere aulkiarekin sartuko da eta haurraren atzean eta eskuinean eseriko da

• Sehaska kanta hasiko da

• Josten hasiko da eta playbacka eginen du

• Erdiko fokoa piztuko da

• Protagonista desiztotu eta amonaren inguruan ibiliko da urduri, jostailu berriari begira

• Amonak mimoak egiten dizkio

• Protagonista lehengo lekura itzuli eta izoztu egingo da pausu motelean

• Sehaska kanta isilduko da

• Amona izoztuko da

• 1.Hondoa berriro: trenbidea egunez

• 1.grabazioa jarriko da: “Amonak josi zuen Ninbe, nire jostailurik kuttunena. Oraindik bere usaina daukala iruditzen zait batzuetan. Bere sehaska-kantak entzuten nituen bitartean besarkatu ohi nuen lo hartu arte.

• (Une honetan amona mugitzen hasiko da, panpina eta aulkia eramanen ditu).

• Bere magalean lo hartzen nuenetan ohera esnatu gabe eraman ohi ninduen amonak, musu eman

• (biek panpinari musu emanen diote)

• Protagonista berriz izoztuko da

• Amona joaten hasiko da

• eta iluntasunean galtzen zen. Ikusi nuen azken gau hura ez dut sekula ahaztuko.”

• Amona eszenatokitik irtengo da publikoari bizkarra emanez pausu motelean

• Protagonista desizoztu eta amona zegoen lekura begiratuko du

• Musika berriz entzungo da

• Fokoak itzaliko dira

• 3.Hondoa: brokoli

• Ezkerreko eta erdiko fokoak piztuko dira

• Protagonistak maleta atontzen segiko du gozo-gozo

• Familia-argazkira iritsiko da eta izoztu egingo da

• Musika isilduko da

• 2.grabazioa: “Bost ginen etxean, aitaren anaia, amona, ama, aita eta ni. Amona izan zen desagertzen lehena, bonba soinuen artean esnatu ginen gau hartan ikusi nuen azken aldiz. Gau hartan bertan joan ginen etxetik, berriz inoiz ez itzultzeko. Ankara deitzen zuten gizon gaizto batek bota omen zituen bonba haiek. Ama eta osaba armak eskuan hartuta joan ziren gizon harren bila, aitarekin alde egin genuen herritik eta hura izan zen ikusi genituen azken gaua. Herrikide baten autora igo ninduen aitak eta haiengandik urruntzen nintzen bitartean ezin izan nion negarrari eutsi. –Gero elkartuko gara- esan zidan, baina ez ginen berriz elkartu.”

• Protagonista berpiztu eta altxatuko da

• Fokoak itzaliko dira

• Publikora hurbilduko da eta haiei begira bila hasiko da linternarekin

• Non ote daude? Non zaudete? Ama? Benetako pena tonuan, triste

• Zuk nire amonaren antza daukazu, etorri mesedez. Jantzi hau- hijaba maletatik atera eta jantziko dio eta oholtza erdian jarriko da amona

• Publikoan bilatzen jarraituko du

• Aita! Kaixo! Etorri aita, etorri. Argazki bat aterako dugu. Jantzi hau- mandila maletatik atera eta emanen dio. Amonaren ondoan jarriko da aita

• Publikoan bilatzen jarraituko du

• Amatxo! Ai amatxo! Etorri mesedez, etorri nirekin- tokilla emanen dio maletatik eta besteekin batera jarriko da

• Publikoan bilatzen jarraituko du

• Osabaren antza daukazu zuk! Inporta zaizu argazkirako etortzea?- Txapela (FEZ) emanen dio eta eskutik helduta besteekin elkartuko dira

• Eskuineko eta erdiko fokoa piztuko da

• Protagonistak familia kolokatuko du

• Irribarre egin, argazkia aterako digute

• Polaroidarekin argazkia aterako zaie (zuri-beltzean)

• Protagonistak argazkia hartu eta familiakide berriei erakutsi

• Maletan sartuko du argazkia kontu handiz

• Amona eskutik hartu eta publikora lagunduko du- Amona izan zen desagertzen lehena

• Ama eta osabari agur egingo die eskuarekin hau esaten duen bitartean:- Ama eta osaba armak eskuan hartuta joan ziren gizon harren bila

• Publikoari begira aitaz hitz egingo du- Urruntzen nintzen bitartean aitari malkoak masailean behera erortzen zitzaizkion

• Musika berriro

• Lehengo lekura itzuli eta argazki zaharra maletan sartuko du

• Eskuineko fokoa itzaliko da

• 1.Hondoa: trenbidea egunez

• Protagonistak maleta atontzen segiko du

• Ogi puska lehorrera iritsiko da eta izoztuko da

• Musika isilduko da

• Ezkerreko eta erdiko fokoak itzali eta eskuinekoa piztu

• 4.Hondoa: labea edo sua?

• Aita orea egiten irtengo da bol batekin eskuinetik eta lehengo sehaska kanta abestuz

• Gero ore puska bat hartuko du eta eskuekin forma emango dio

• Protagonista desizoztu eta aita imitatzen hasiko da, begiratuko dio

• Aitak ez du begiratuko

• Ondoren labera eramango du (eszenatiko atzean egongo da ogi prestatu bat eta aterako du).

• Labea itzalekin?

• Ezkerreko eta erdiko fokoak piztu

• 3. grabazioa: “Egurraren usaina eransten zitzaion gure etxeko labe zahar hartan, aitak egiten zuen ogirik goxoena. Puska hau gorde nuen, gose izan arren, egunero usaindu ahal izateko; aitak boltsan sartutako ogi hura ogi pusketa lehorra da orain. Aurretik neukan bidaierako mantenu eskasa. Denborak belztu ditu ogiaren beraren tonu zurixkak. Hemen okindegi asko dauzkazue, ogi mota pila, egunero ogi lehor pila botatzen duzue zakarrontzira. Baina ez daukazue gure etxean egiten zen ogi haren antzeko ezer ez.”

• Musika xuabe

• Aita eskuinetik irtengo da eta haurrarengana hurbilduko da

• Ogi puska aldatuko dio eta haurrari begietara begiratuko dio

• Haurrak aita begiratuko du eta ogi puska bat jango du

• Aita haurra begiratzen geratuko da

• Haurra izoztuko da

• Aita eszenatokiaren ezkerretik irtengo da, pausu motelean eta berriz begiratu

• Eskuineko fokoa itzali

• 1.Hondoa: trenbidea egunez

• Protagonistak maleta ixten egongo da

• Musika itzali

• 1.Hondotik-> 5.ondora: trenbidea gauaz (negativo)

• Ezkerreko fokoa itzali

• Erdikoari intentsitatea asko jaitsi

• Nekea adierazten du iluntzen duen bitartean

• Arropa bat kuxin gisa jarri eta etzango da

2.eszena

• 6.Hondoa: amets-gaiztoa (esnea)

• Bonben soinua

• Protagonista mugitzen hasiko da “ohean bueltaka”

• 7.Hondoa: stop-motion (gerra irudiak azkar)

• Musika (johnny cash- hurt)

• Musika isildu

• 6.Hondoa: amets-gaiztoa (esnea)

• Argi-beltzak piztu

• Mamuak sartzen dira

• Musika jarriko da (9.sinfonia)

• Protagonistak amets-gaiztoan jarraituko du mugitzen

• Mamuak haurraren inguruan koreografia

• Musika isiltzen joango da pixkanaka

• Haurraren ondoan etzango dira publikoari begira

• Protagonista lasaitu egingo da publikoari begira

• 8.Hondoa: amets-gaiztoaren bukaera (fairy)

• Protagonista izututa esnatuko da kolpean

• Mamuak aldendu egingo dira

• Bere atzean geratuko dira dantzan

• 1.Hondoa: trenbidea egunez

• Erdiko fokoari intentsitatea igo erdira

• Protagonista altxatu eta nagiak kenduko ditu motel

• Maletan kuxin gisa erabili duen arropa sartzen hasi

• Maleta ixten segiko du baina kostako zaio

• Mamuak hurbildu eta urrundu eginen dira, hurbiltzean hitz egin eta urruntzean isildu

• Bakoitza alde batean

• Ez hau inork maiteko. -besteak xuxurlatu (bis)

• Protagonista esaldi bakoitzeko tristeago jarriko da

• Ez haiz besteak bezalakoa. -besteak xuxurlatu (bis)

• Ezberdina haiz. -besteak xuxurlatu (bis)

• Pobrea haiz.-besteak xuxurlatu (bis)

• Zikina hago. -besteak xuxurlatu (bis)

• Nork maiteko hau hi?” -besteak xuxurlatu (bis)

• Protagonistak maleta ixtea lortuko du

• Ezkerreko fokoa piztuko da

• Erdikoari intentsitatea igo

• Protagonista oholtzaren eskuinaldera joango da eta pantailaren iskinean izoztuko da

• Mamuak bere atzetik joanen dira

• Protagonista izoztean izoztuko dira

• Ezkerreko eta erdiko fokoak itzaliko dira

• Argi-beltzak itzaliko dira

• Ikusleak txaloka hasi arte itxoingo da

3.eszena

• Zuzendariak eskuineko 2.fokoa piztuko du.

• Eh eh eh itxaron!! Istorioa ez zen horrela bukatu. Lehenengo gauak txarrak izan ziren, baina pixkanaka-pixkanaka hobetzen joan ziren. Euskal Herrira iritsi nintzen egun hori buruan daukat oraindik… Beldurtuta nengoen, baina denbora pasa ahala ikasi nuen mamu horiek nirekin jarraituko zutela betirako.

• Mamuak zuzendariaren atzetik ibiltzen hasiko dira, ez lehen bezain beldurgarri

• Fokoak pizten joanen da hori esan bitartean

• Publikoari begira eseriko da

• Eten baten ondoren atzera begiratuko du

• Ikus dezakezuenez, mamu haiekin hazi naiz eta bizi naiz oraindik. Egia esan, nire Euskal Herriko familiak asko lagundu dit horretan.

• Errefuxiatuen abestia

• Publiko artetik harrera familiako ama sartuko da

• Zuzendariari goxotasunez begiratu

• Zuzendariak ama begiratu

• Umearen ondora joanen da, eskutik hartu eta lurrean eseriko dira

• Zuzendaria haiei begira egongo da

• Protagonistak burua amaren magalean jarri

• Amak laztanduko du

• Denok zapaldu dugun mantarekin estaliko du haurra

• Abestia xuabe

• Protagonistak lo hartuko du

• Asko eskertzen diet ni etxean hartu izana, nire amorrua ulertu izana, gau txar haietan babestu izana, behar nuen denbora eskaini izana. Errealitatea, ordea, ez da denontzat hain polita. Haur asko daude oraindik munduan zehar bonbetatik ihesean edo goseteak atzean utzi nahian… Beraz, gogoratu zuek zorte hutsez jaio zinetela munduaren alde honetan.

• Abestiari bolumena igo