Pagbabalik sa Kasaysayan Gamit ang Pelikula

Ang Kasaysayan ng Pilipinas ay tunay nga naman talagang kamangha mangha at punong puno ng malalalim at napakayamang mga pangyayari.

Ang Pilipinas ay may napakayaman at malalim na kasaysayan na hindi nakagugulat na ang mga gumagawa ng pelikula ay patuloy na inspirasyon nito. Sa paglipas ng  taon, maraming pelikulang nakabatay sa kasaysayan o sa mga makasaysayang pigura na hindi lamang nakabibighani sa mga manonood sa kanilang makapangyarihan at nakapagpapayaman na mga kuwento, ngunit tila ba at bumalik din ang mga manonood sa nakaraan gamit ang mga detalyadong costume, set, at kapaligiran. 

Goyo: Ang Batang Heneral

Directed by: Jerrold Tarog

Release Date: September 5, 2018

Goyo: Ang Batang Heneral ay isa sa mga dapat na panoorin ng mga manonood na Pinoy.

Bihira na lamang tayong makakita o makakuha ng isang sequel o spin-off mula sa historical films, pero nagawa ito ni Jerrold Tarog (direktor) sa Goyo: Ang Batang Heneral. Mula sa Heneral Luna, ibinaling ng cinematic universe ni Direk Jerrold ang atensyon nito sa batang heneral na ginampanan ni  Paulo Avelino bilang si Gregorio del Pilar, na inatasang linisin ang mga tapat na tagasunod ni Heneral Luna. Itinakda ng batang heneral na patunayan ang kanyang sarili bilang karapat-dapat sa kanyang ranggo noong Digmaang Pilipino-Amerikano. Ang pananatili sa parehong pagkagawa at pagkasunod sunod na naging rason sa pagiging matagumpay ng pelikulang Heneral Luna.

Isa pa rito, maraming mabibisitang sikat na lokasyon doon, tulad na lang ng Monasterio De Tarlac na may napakagandang tanawin, at Mudita Glamping Resort na isa daw “Instagram worthy location” na may masasarap na pagkaing bubusugin ang bawat bibisita. Isa ito sa mga mairerekumendang lugar para sa mga mahilig bumiyahe, ayaw ng malayo at gumastos nang malaki. 

Heneral Luna

Directed By: Jerrold Tarog

Release Date: September 9, 2015 

Ang pelikulang talagang nagbalik sa mapa ng mga makasaysayang panahon na uri ng  pelikula, ang Heneral Luna ni Jerrold Tarog ay isang magara, nakabibighani, at nakakaengganyong makasaysayang epiko tungkol sa pamumuno ni Heneral Antonio Luna, na ginampanan ni John Arcilla noong Digmaang Pilipino-Amerikano. Malaki ang sukat, na nagtatampok ng malalaking labanan sa digmaan at mga kilalang karakter, ipinakita ni Heneral Luna ang kasaysayan ng Pilipinas sa moderno at kapana-panabik na paraan. Ang Heneral Luna ni John Arcilla, sa kanyang masama at malupit na pag-uugali, ay talagang ginawa itong instant classic.

Dekada Sitenta

Directed by: Chito S. Roño

Release Date: December 25, 2002

Pinagbibidahan nina Vilma Santos at Christopher de Leon, ang pelikulang ito ay tungkol sa isang pamilyang nabubuhay noong panahon ng Batas Militar  noong 1970s. Sa mga makasaysayang sandali na itinakda bilang backdrop para sa kanilang kuwento—mula sa Digmaang Vietnam, hanggang sa muling pagkahalal ni Ferdinand Marcos at hanggang sa deklarasyon ng Batas Militar ng dating diktador—Ang Dekada '70 ay isang brutal at may katuturang pagsasalaysay sa kung ano ang uri ng buhay noong 1970 sa Maynila. Ang pelikula at ang pagpapakita nito ng aktibismo ay makikita mo pa rin sa kasalukuyang panahon.

Jose Rizal

Directed by: Marilou Diaz-Abaya

Release Date: January 16, 1999

Para sa sinumang lumaki noong huling bahagi ng dekada 1990, ang pananaw ni Marilou Diaz-Abaya sa buhay at kamatayan ng ating pambansang bayani na si José Rizal ay kadalasang kinakailangang ipakita sa mga paaralan tuwing ginugunita ang kamatayan ni Jose Rizal. Nang ito ay ipinalabas, hindi lamang ito naiiba sa anumang naunang makasaysayang pelikula (o Rizal films) kaysa dati na mayroong napakagandang detalye (isama mo pa ang star-studded cast na si Gloria Diaz, Gina Alajar, Chin Chin Gutierrez, at Cesar Montano bilang titular figure), ito rin ang pinakamahal na pelikulang Pilipino na ginawa noong premiere na ito. Ang epikong muling pagsasalaysay ng kilalang kuwento ni Rizal ay nakapagbigay ng bagong buhay sa mga makasaysayang pigura na natutunan na natin sa paaralan.

Katips

Directed By: Vince Tañada

Release Date: November 27, 2021 

Ang “Katips,” na maikli para sa “modernong Katipunero,” ay nagsasalaysay ng mga malupit na pangyayari noong mga taon ng mga Marcos. Sa huling pagkakasunod-sunod nito, pinarangalan ng pelikula ang mga lumaban para sa kalayaan noong EDSA Revolution, lalo na ang mga pangalan ng mga nasa Bantayog ng mga Bayani. Dahil dito, isang tila nakalimutang mensahe ang ipinatupad: Ang EDSA ay hindi lamang away sa pagitan ng dalawang pamilya, bagkus ito ay ang kalagayan ng aping Pilipinong masa na nagsasabi kay Marcos at sa kanyang mga kasamahan, "Hanggang dito na lang, wala na."

Ito ay ilan lamang sa mga pelikulang  nagpapakita ng kasaysayan ng Pilipinas na makatutulong sa atin na makilala nang lubos ang ating kultura, mahalin at ipagmalaki ito, at magsilbing ilaw sa kasalukuyang estado ng ating lipunan. Tunay  ngang kamanghamangha ang mga pelikula sa Pilipinas na na nagpapakita ng kasaysayan nito.