Grunnskóli Hornafjarðar leggur mikla áherslu á að nemendur kynnist nærumhverfinu.

10. bekkur fer á hverju hausti í 3ja daga ferð í Lónsöræfi. Það er gist í tvær nætur í Múlaskála og farið í dagsgöngur út frá skálanum. 

-Áður en farið er í ferðina er unnið í námsefni sem tengist svæðinu, jarðfræði, sögu og landafræði.

-Dagur 1. Þá er gengið frá Illakambi í skálann og þá þarf að bera allar vistir á bakinu og dótið skilið eftir í skálanum. Þennann dag er farið í göngu í Víðibrekkusker.  Seinni partinn er oft genginn hringur í kringum Gjögrið.

-Dagur 2. Tröllakrókar

-Dagur 3. Gengið frá í skálanum og gengið upp Illakambinn.

Á hverju hausti fer 5. bekkur í 2ja daga námsferð í Suðursveit þar sem gist er í Hrollaugssöðum  eina nótt. Námsferðin er margþætt, umhverfisfræðsla, útivist og samvinna er megin inntakið. Fyrri daginn er farið inn að Felli og gengið að Fellsfossi, farið í Brúsahelli og að Mjósundarárgljúfri og jafnvel tekinn smá sundsprettur þar, allavega hoppa þeir sem þora í hylinn.

 Seinni daginn er ferðinni heitið á Hala, þar verður farið á Þórbergssetur og safnið skoðað undir leiðsögn Þorbjargar Arnórsdóttur sem veit meira en margur annar um rithöfundinn Þórberg Þórðarson og lífið á Hala fyrr á tímum. 

Á Hala er einnig farið í hópavinnu þar sem nemendur vinna ýmis verkefni tengd svæðinu og hópefli er einnig stór partur.

Mikilvægt er að nemendur fái tækifæri til að ferðast um sýsluna og læri í leiðinni um nærumhverfi sitt, söguna, landafræðina og upp á hvað svæðið okkar hefur að bjóða.