Kennslustundir sem eru tilbúnar  og vel uppsettar.
Á þessari síðu eru tilbúnar kennslustundir og upplýsingar sem fylgja öllum heimsmarkmiðunun. Smellið á þennan link til að komast inn á síðuna.
Í samstarfi við UNICEF voru kennslugögn útbúin fyrir Heimsins stærstu kennslustund (World’s Largest Lesson) í september 2015, sem eru leiðbeiningar fyrir 30 og/eða 60 mínútna langar kennslustundir, ásamt myndbandi um markmiðin með íslensku tali og teiknimyndasögu. Síðan þá hefur árlega verið bætt við efni frá Heimsins stærstu kennslustund, bæði kennslustundum og myndböndum sem þýtt hefur verið yfir á íslensku og stendur til að auka við það jafnt og þétt. Þetta efni má nálgast hér fyrir neðan ásamt því að nálgast má efni á ensku frá átakinu Heimsins stærsta kennslustund fyrir hvert Heimsmarkmið fyrir sig. 

Hvað eru loftslagsbreytingar? Hvaða áhrif hafa loftslagsbreytingar? Af hverju stafa þær? Hvað getum við gert til að sporna við þeim?Hvernig komum við í skólann? Komum við gangandi, hjólandi, á bíl eða með strætó? Hvaða áhrif hafa mismunandi samgöngutæki á umhverfið? En heilsuna? Loftslagsbreytingar og samgöngur eru meðal þema Skóla á grænni grein. Hér má finna upplýsingar á heimasíðu Grænfánans.  

Loftlagsbreytingar er eitthvað sem fer ekki framhjá okkur sem búum í nálægð Vatnajökuls, við sjáum vel á jöklunum okkar að þeir eru að minnka. Þetta er góð heimild sem sýnir þessar hröðu breytingar. Myndina vann fræðimaðurinn Þorvarður Árnason við Rannsóknasetur Háskóla Íslands á Höfn í Hornafirði í félagi við Kieran Baxter, sem er vísindamaður og kennari í samskiptahönnun við Háskólann í Dundee í Skotlandi.
Á heimasíðu Náttúruverndar má finna frekari upplýsingar um myndina sem er 12. mín. að lengd. Hér er tengill á myndina  After Ice 

Grænfáninn á 20 ára afmælisár-2021-2022. Skólar á grænni grein, grænfánaverkefnið er alþjóðlegt umhverfismenntarverkefni sem rekið er af Landvernd á Íslandi.

Markmið verkefnisins er að auka umhverfismennt, menntun til sjálfbærni og að styrkja umhverfisstefnur skóla.

Verkefnið er stærsta umhverfismenntaverkefni í heimi og er haldið úti af samtökunum Foundation for Environmental Education.

Á myndinni er hægt að sjá þema hvers mánaðar, en Grænfánaskólar fá afmælispakka í hverjum mánuði með upplýsingum og verkefnum sem tengjast þema hvers mánaðar. Hér er hægt að sjá verkefnin inn á síðu Grænfánans.

Hafið í huga að verkefnin eru fjölbreytt og nýtast í öllum fögum og eru fyrir allan aldur. 

Þurfum við að eiga þetta allt! Hér er hægt að finna verkefni sem er búið að tengja við heimsmarkmið Sameinuðu Þjóðanna, alveg hellingur af hugmyndum á vef Landverndar og Grænfánans. Það er hægt að nota þessi verkefni í flestum fögum þannig að þau virka vel í samþættingu.

Þér er velkomið að nýta verkefnin að vild. Þú getur valið verkefni m.t.t. þema, skólastigs, staðsetningar, árstíðar eða grunnþáttar úr aðalnámskrá.

Ýmsir þættir sem tengjast umhverfismálum má finna á Krakkarúv. Hér er linkur á þættina um heimsmarkmiðin, getur verið góð kveikja.

Hér er tengill á efni frá Landvernd/Grænfánanum, myndband sem útskýrir vel loftslagsbreytingar.

Hvað eru skapandi skil?
Nemendur ákveða með hvaða hætti þeir útfæra afurð verkefnisins, þeir geta gert mynd, ljósmynd, slagorð, ljóð, myndband, leikverk, tónlist, gjörning, auglýsingu, skrifað bréf eða grein í blað eða hvað sem þeim dettur í hug.

Lykilatriði er að deila efninu með öðrum t.d. á samfélagsmiðlum skólans, hengja upp veggspjöld í kjörbúðinni, hafa samband við KrakkaRúv, RúvNúll, tala við fjölskyldu og ættingja o.s.frv. Að auki er verkefnið kynnt á lokakynningu fyrir bekkinn. 

Hér er hægt að fá hugmyndir af verkefnum sem tengjast umhverfisvernd og sjálfbærni með tilliti til skapandi skila og fjölbreyttra aðferðra. 

Hér er tengill á síðuna með frekari upplýsingum. https://landvernd.is/skapandi-skil/