Guerra Civil

A través dos recordos de Miguel Ruiz, republicano español exiliado en Francia, Paco Roca reconstrúe en 'Os surcos do azar' a historia da Nove, unha compañía ás ordes do capitán Dronne integrada na segunda división blindada do xeneral Leclerc, e formada maioritariamente por republicanos españois. A maioría dos homes que compoñían tiñan menos de 20 anos cando en 1936 colleron as armas por primeira vez para defender a República española. Ningún sabía entón que os sobreviventes xa non as abandonarían ata oito anos despois, e que na noite do 24 de agosto de 1944 serían os primeiros en entrar en París. Os carros de combate levaban, no morro, nomes sorprendentes: Madrid ou Don Quijote.

A Guerra Civil española de Paul Preston en formato cómic. Paul Preston, un dos hispanistas de maior prestixio internacional, é un dos textos de referencia sobre o conflito que arrasou España entre 1936 e 1939 e que marcou o resto do século XX. Ao reconstruír a complexa trama do enfrontamento bélico con precisión e lucidez, constitúe un libro imprescindible á hora de abordar a violenta realidade que viviu este país. O mozo historietista José Pablo García adapta o libro de Preston ao formato cómic ofrecéndonos unha historia en imaxes que pretende aproximar ás novas xeracións o relato común daquela traxedia colectiva, pero sobre todo contribuír a preservar a memoria do que ocorreu, algo imprescindible para o exercicio cotián da democracia.

Nas emotivas páxinas desta obra, Quique Palomo (Vida e morte de Federico García Lorca; Antonio Machado: Lixeiro de equipaxe) adapta a obra de Ian Gibson, na que trazan un certeiro percorrido polas vidas de catro magníficos poetas do noso tempo: Federico García Lorca, Antonio Machado, Miguel Hernández e Juan Ramón Jiménez, nun estudo estremecedor sobre a lealdade á causa republicana de catro das mellores voces poéticas da España do século XX, represaliada coa morte no exilio, o fusilamento sen xuízo e a morte no cárcere. Antonio Machado, Juan Ramón Jiménez, Federico García Lorca, Miguel Hernández. A obra definitiva sobre os insignes poetas, da man do hispanista de maior recoñecemento.