Planteamendu didaktikoa
EUSKARA ETA MUNDUKO HIZKUNTZAK LEHEN HEZKUNTZA
Helburu didaktikoak:
- Munduko hizkuntzen artean, Euskararen egoera kokatzea.
- Elkarreraginean, errespetuzko partaidetza aktiboa jorratzea.
- Euskararekiko prestigioa lantzea.
- Ahozko ulermena lantzeko metodologia inplementatzea.
Edukiak:
HIZKUNTZAREN GIZARTE DIMENTSIOA:
- Hiztunak eta hizkuntzak: munduko hizkuntzak.
- Hizkuntza ofiziala.
- Hizkuntzak pertsonen arteko harremanak egiteko bitartekotzat eta komunitate baten identitate-seinaletzat hartzea.
- Munduko hizkuntzen kopurua.
- Euskeraren kokapena munduan.
Trebetasunak:
- Entzumena: Bideoen ulermena.
- Mintzamena: Talde handian egiten diren sozializazio-saioak
- Elkarreragina: Talde txikietako jarduerak eta talde handiko sozializazioa.
Metodologia:
- Saio batean garatuko da.
- Ahozko jarduerak izango dira egingo direnak saio osoan, entzumena eta elkarreragina landuz.
- Entzumena talde handian egingo da hasieran, bideoaren aurretik egindako ekarpenetan eta bideoa eten eta egin den galderaren erantzunean. Entzun-ikusi ondorengo ulermen-galderak, banaka egingo dira.
- Elkarreragina. Talde handian, moderatzaileak (irakasleak) emango du hitza eta errespetuzko jarrerak landuko ditu elkarren arteko eztabaidetan.
- Erabilitako argudioak eta kontra-argudioak jaso egingo ditu irakasleak
- Amaieran egingo den ebaluazioan, bakarka egiteko hausnarketa izango da.
Ebaluazio-irizpideak eta adierazleak:
- Gelako eta komunitateko hizkuntzen aniztasuna ezagutzea eta balioestea, inguruko errealitate linguistikoari erreparatuta.
- Ea Euskararen gaineko informazioa bereganatu duen
- Ikastetxeko eta gertuko inguruneko harreman-egoeretan parte hartzea, behar bezalako naturaltasun, egokitasun eta zuzentasunez hitz eginez, harremanaren oinarrizko arauak betez eta gainerako pertsonei begirunea erakutsiz.
- Ea iritzi arrazoituak ematen dituen.
- Ea gogotsu parte hartzen duen elkarrekiko lankidetzan eta ikaskuntzan.
Ebaluazio-tresnak
- Autoebaluazioa (koebaluazioa)egiteko galdetegia.
- Kontrol-orria, saioaren amaieran