EUSKAL JOLASAK
0. JARDUERA. SARRERA
Saioaren aurkezpena
Irakaslea talde osoari zuzenduko zaio:
Zertara jolasten duzu lagunekin jolastokian zein kalean?
Post-itak erabiliko dira. Ikasle bakoitzak jolas bi idatziko ditu.
Erantzunak ikasleen aurrean, leku ikusgarrian, jarriko dira.
1. JARDUERA
Trebetasuna: entzumena
Bi jarduera aukeratzeko edo biak erabili:
1. “Aittitte-amumak ikastetxera” programa: Ikasle batzuen aittitte edo amamak ikasgelara eraman, euren eskola garaiko jolasak zeintzuk izan ziren kontatzeko. Jolas horien arauak jasoko dituzte, horretarako galderak erabiliz. Taldetxoak egingo dira eta talde bakoitza jolas baten arduraduna izango da.
2. Bideoak ikusi:EITBko Jon Enbeitaren bideoa eta Tribuaren berbak” bideoa. Bertan, Jonek umetako jolasak azaltzen ditu eta Tribuaren berbak, berriz, euskal jolasak.
2. JARDUERA
Taldeka: 5eko taldeak
Trebetasunak: elkarreragina eta idazmena
Aintzinako jolasen azalpena egin eta idatzi: 2 jolas talde bakoitzak. Era berean, gaur egungo jolas baten araua eta azalpenak (“Urtxintxa” taldearenak). Antzekotasunak eta desberdintasunak aztertuko dituzte.
3. JARDUERA
Trebetasunak: entzumena eta mintzamena
Horren ondoren, taldekatze desberdinak egingo dira: Aurreko taldeetakoak banatu eta talde berrietan, aurreko taldeetako ordezkari bana izango da.
Horrela, ahoz azalduko dira aintzinako jolasen arauak eta, agertzen diren zalantzak argitzeko aukera izango dute.
4. JARDUERA
Talde osoan
Trebetasuna: mintzamena
Ikasleek azaldu dituzten jolasen arauak ikasi eta, taldeka, jolastuko dute (aintzinako jolas bat).
Talde bakoitzaren ebaluazioa beste taldeetako kideek egingo dute.
5. JARDUERA
Trebetasunak: irakurmena eta idazmena
Irakasleak ikasleen esku jarriko ditu euskal jolasen bildumak: era digitalean zein ikasgelako txokoan.
- Busturialdeko jolasak
- URTXINTXA taldeak argitaratutakoak
- Betiko jolasak
- Bilduma desberdinak
- http://www.jolasak.eu/
- http://www.aisia.net/jolasak
- http://euskaljolasak.blogspot.com.es/
- http://www.katxiporreta.com/jolasak/
- http://aintzinakojolasak.blogspot.com.es/
- https://baliabide.wikispaces.com/JOLASAK
- http://www.txiki.net/jokoak.html
- http://www.aisia.net/denda/mahai-jolasa/elemele-mahai-jolas-kooperatiboa
- https://sites.google.com/a/lauro20.org/haur-hezkuntza/multimedia-baliabideak-recursos-multimedia/jolasak-juegos/jokoak-euskaraz
- http://jolasbilduma.blogspot.com.es/2012/12/aurkibidea-1.html
- http://www.eitb.eus/eu/hiru3/jokoak/
- http://www.azkuefundazioa.eus/azkue-fundazioa/gure-proiektuak/online-jolasak
Horrela, ikasleek jolas berriak aukera ditzakete eta euren jolasen bilduma zabaldu.
Azkenik, kontrol-orria beteko dute ikasleek, euren gogoeta eginez: gehien gustatu zaien jolasa, gustura ibili diren jolasten …
Sekuentzia didaktikoa
Jolasak
Haurren jolasak eta kantak