Planteamendu didaktikoa

EUSKARAZ ZERGATIK EZ?

Helburu didaktikoak:

• Euskararen erabileraren gainean hausnarketa egitea.
• Hizkuntzaren erabileran eragiten duten arrazoiak ezagutzea.
• Elkarreraginean, euskara erabiltzeari dagokionez, jarrera positiboa eta aktiboa izatea.

Edukiak:

HIZKUNTZAREN GIZARTE DIMENTSIOA:

• Hizkuntzak pertsonen arteko harremanak egiteko bitartekotzat eta komunitate baten identitate-seinaletzat hartzea.
• Hizkuntza desberdinen aldeko jarrera positiboak garatzea, eta, bereziki, euskararen berreskurapen-prozesuaren aldekoa. Horretarako, euskara erabiltzeko lotura afektibo positiboak sustatuko dira».

ELKARRERAGINA:

• Ikasgelan eta ikastetxean gizarte-harremanak eraikitzea helburu duten ahozko eta ikus-entzunezko interakzioetan parte hartzea.

AHOZKO KOMUNIKAZIOA:

• Ahozko eta ikus-entzunezko testuak ulertzea, ikasle-esperientzietatik hurbil dauden gizarte-eremuei buruzkoak.

Trebetasunak:

· Entzumena

· Elkarreragina

Ebaluazio-irizpideak eta adierazleak:

• Euskal kulturaren transmisioan eta sorkuntzan parte hartzea eta ohiko komunikazio-egoeretan euskara erabiltzea.
• Ea euskara erabiltzen duen hainbat komunikazio-eremutan.
• Ea hainbat komunikazio-eremutan euskararen erabilerari lehentasuna ematen dion.
• Ikasgelako elkarrizketetan parte-hartze aktiboa eta egokia izatea, ikasteko eta gizarte-harremanak bultzatzeko, eta lankidetzarako jarrera positiboa agertzea.
• Ea modu naturalean esku hartzen duen, eta bere ikuspegia azaltzen duen.
• Ea norberaren esku-hartzeari buruzko galderei erantzuten dien.
• Ahozko eta ikus-entzunezko testuak ulertzea, ikasle-esperientzietatik hurbil dauden gizarte-eremuei buruzkoak
• Ea identifikatzen eta eskuratzen duen informazio egokia, behar bezala entzuteko.

Ebaluazio-tresnak:

• Koebaluazioa egiteko txantiloia: entzumenean
• Elkarreraginean, parte hartzearen informazioa talde arduradunaren bidez jasoko da.
• Amaierako kontrol-orria.