HELBURUA: geocache edo cache bat sortzea.
PROZEDURA: ikasleek ohiko cache bat sortuko dute. Hori egiteko, aldez aurreko prestaketa txikia egin beharko dute:
Cachea prestatu: kutxa, libreta, informazio-orria, arkatza, borragoma eta opariak.
Ibilbidea aukeratu: hasiera eta amaiera, bidea eta argazkiak egiteko puntuak.
Ibilbide osoaren deskribapena idatzi, gero Geocaching-en publikatzeko.
Hori eginda, astebeteko epea izango dute ibilbidea burutzeko eta geocachea sortzeko.
Hauek dira urratsak:
Irakasleak zer egin behar den azaltzen du. Memento horretan, komeni da berriro koordenatuei buruzko azalpenak ematea eta koordenatuak GPSan edo smartphonean nola idazten diren adieraztea.
Ikasleek cachea sortzeko behar den materiala prestatuko dute.
Ibilbidea prestatuko dute.
Ibilbidea egingo dute, cachea ezkutuan dela, eta koordenatuak markatuko dituzte (GPSa edo smathphonea erabilita).
Cachea argitaratuko dute, eta beharrezkoak diren azalpenak emango dituzte.
Prestatutako altxorra besteei aurkeztuko diete.
BALIABIDEAK: ordenagailua, GPSa, smartphonea, kutxa, libreta, informazio-orria, arkatza, borragoma eta opariak.