5. jarduera: Geocaching ezagutu. Altxorraren bila

HELBURUA: inguruan dauzkagun geocache edo cacheak ezagutzea.

PROZEDURA: irakasleak Geocaching jarduera zertan datzan azalduko du. Behin hori eginda, ikasleak taldeka jarriko dira (hiru-lau pertsona), eta, ordenagailua hartuta, Geocaching-eko orrialdean erregistratuko dira. Gainera, smartphone bat erabilita, C:Geo aplikazioa deskargatuko dute (doakoa). Hori guztia eginda, dauden lekutik gertu dauden cacheak bilatuko dituzte, eta bat aukeratuko dute. Irakasleak epe bat jarriko du cache hori bilatzeko, eta,  aurkitzen dutenean, Geocaching-eko orrialdean idatzi beharko dute (bitakoran).

Hauek dira urratsak:

• 1. Irakasleak azalpen teorikoak emango ditu. Komeni da koordenatuei buruzko azalpenak ematea, eta haiek GPSan edo smartphonean nola idazten diren adieraztea.

  2. Ikasleek ordenagailua hartuko dute, eta Geocaching-en erregistratuko dira.

  3. C:Geo aplikazioa deskargatuko dute.

  4. Aplikazioan edo Interneteko Geocaching-eko helbidean arakatuz, hurbilen dauden cacheak bilatuko dituzte.

  5. Cache bat aukeratu eta gero, epe bat emango zaie aurkitzeko (smartphonea edo GPSa erabili) eta cachearen bitakoran aurkikuntzaren berri idazteko.

BALIABIDEAK: ordenagailua, GPSa eta smartphonea