4. jarduera: ibilbide bat sortu GPSarekin

HELBURUA: GPSarekin ibilbide bat sortzea eta horri buruzko deskribapen-fitxa betetzea.

PROZEDURA: ikasleen taldeak aldez aurretik pentsatutako ibilbide bat egingo du GPSarekin. Ibilbidea egin ahala, informazioa jasoko dute: argazkiak, bideoa,  waypointak edo interesguneak, gauza aipagarriak... Hau egin behar dute:

• 1. Ibilbidea aukeratu.

  2. Argazki-kamera eta soinu- eta bideo-grabagailua hartuta, GPSarekin ibilbidea egiten hasiko dira. Ibilbidean zehar aipagarria dena erakutsi egin behar dute,argazkien eta bideo-grabazioen bidez, waypointak seinalatuz...

  3. Ibilbidea amaitutakoan, gorde egin behar dute.

  4. GPSa ordenagailuarekin konektatu eta gero, gordetako artxiboa aurkitu behar dute.

  5. Artxiboa Wikiloc-era igoko dute. Lortutako informazio guztia hortxe editatu beharko dute: bideoak (lehenengo eta behin, Youtube-ra igota), argazkiak, waypointak, informazio gehigarria (estekak)...

  6. Orrialde honetan agertzen den fitxa teknikoa deskargatu eta bete behar dute.

  7. Amaieran, Wikiloc-eko esteka eta fitxa teknikoa irakasleari eman behar diote.

BALIABIDEAK: talde bakoitzak hau behar du: ordenagailua, GPSa, smartphonea eta fitxa teknikoa.