Arkitektura gotikoa arkitektura estilo bat da, Europan jaio eta Erdi Aroko azken mendeetan garatu zena.
Arte gotikoa erromanikoaren ondorioa da, eta haren kontrako aspektuak ditu.
Erromanikoan, beteguneak baoak baino handiagoak zirenez, barne-aldeak ilunak izaten ziren. Gotikoan, aldiz, argia nagusitzen da: hormek garrantzia galtzen duten neurrian, bao handiak eta beirak nagusitzen dira, eta, ondorioz, eliza argitsuak sortu.
Gotikoak bertikalitatea du helburu, Jainkoa hurbilago sentitzeko. Bertikalitatea indatzeko, elementu ugari erabiltzen dira, hala nola arku zorrotzak, dorreak edo pinakuluak.
Gotikoak katedralean erakusten du adierazpen nagusia: hots, hiriaren erdian altxatzen den eraikina, herritar guztiak —eta gehienbat burgesia— harro sentitzeko modukoa.