Agredecer enormemente a toda a comunidade educativa que se involucrou nas actividades desenvolvidas no noso cole durante este curso, sempre decimos que somos un cole pequeno pero conseguiremos acadar cousas grandes tod@s xunt@s! Aquí vai un resumo das actividades deste ano:

• Obradoiro de Robótica (con parte da subvención da Deputación da Coruña) con Aula Desafío e colaboración co centro.

O proxecto A cidade Intelixente consistiu no desenvolvemento de 6 microproxectos basados no uso da tecnoloxía e relacionados entre sí, no que se traballan competencias como ás matemáticas, a ciencia e tecnoloxía, competencia dixital e competencia emprendedora, fomentando o traballo en grupo, a imaxinación, a creatividade, a axuda, o respeto e a escoita activa. Esta actividade está destinada a tódolos cursos de primaria, e desenvolveuse entre os meses de novembro e xuño.

• Convivio de comezo de curso para as familias. A Asociación Veciñal Río Sarela, cedeunos as súas instalacións na Carballeira de San Lourenzo para que as familias socias da ANPA e o resto de familias interesadas en facerse socias, tiveramos a oportunidade de compartir unha tarde de conversas, merenda, música e bo ambiente.

• Actividades extraescolares, en colaboración con Avanza Servicios Escolares. Desenvolvemos actividades de teatro, patinaxe, baile moderno, baile tradicional e pandeireta (con parte da subvención da Deputación da Coruña), pintura e multideporte.

• Colaboración no magosto celebrado polo centro. Dende o centro precisaban familias para axudar na organización e tarefas do magosto, a resposta foi inmediata e moitas familias quixeron aportar o seu tempo para esta celebración!

• Contacontos en infantil: durante o Nadal disfrutaron de Cris de Caldas e en maio de Sole Felloza.

• Obradoiros de arqueoloxía en colaboración con Tictura en decembro (parte da subvención de Deputación da Coruña) para terceiro e cuarto de primaria.

• Visita ao Museo da Maxia, os alumnos e alumnas de primeiro e segundo de primaria asombráronse nesta saída que contou ca subvención da Deputación da Coruña.

• Visita da Catedral e zona histórica con guía turístico (Coñece o patrimonio), con parte da subvención da Deputación da Coruña), non hai saída que non guste e as nenas e nenos de quinto de primaria disfrutaron desta visita.

• Proposta ao centro de participar no programa Proxecto Terra. Visita de 1 día a Allariz para sexto de primaria.

• Participación no certame intercentros de Teatro. O grupo da extraescolar de teatro este ano non pudo participar por un problema de calendario.

• Participación no XVII certame interentros de Danza. O grupo da extraescolar de Baile Moderno participou neste certame celebrado o 19 de maio donde recibiron unha enorme ovación!

•  Viaxe de Familias da ANPA ao Gères (Portugal). Seguimos ca saída das familias que neste ano se fixo a fin de semana do 24-26 de maio. Debido a acollida o próximo ano repetirase esta xa tradicional saída!

 15/12/2023 - Arqueoloxía dos sentidos 

Coñecendo o patrimonio cultural a través da arqueoloxía: neste obradoiro dirixido que se impartirá nos cursos de primaria, os participantes poden identificar a través dos diferentes sentidos obxectos atopados en xacementos arqueolóxicos e a partir deses obxectos tratarse temas como a dieta, costumes, arte, etc dos nosos antepasados. Esta tendo unha gran acollida, tanto polos alumnos como polo profesorado!

 24/11/2023 - Material para concentracións conflicto Palestina 

Despois da concentración do pasado luns 20/11/2023 en contra do xenocidio en Palestina, varias familias xuntáronse para elaborar carteis, pancartas e material propio para próximas convocatorias, tanto na escola como as que se están a convocar outros días fora do horario de escolar.

Agreder á dirección do cole pola cesión da aula de música para a elaboración do material.

 20/11/2023 - Concentración Día dos Dereitos da Infancia 

Dende a ANPA Sarela do CEIP Raiña Fabiola sumámonos a iniciativa doutras escolas de Santiago para denunciar o xenocidio do pobo palestino. 

Coincidindo co Día dos Dereitos da Infancia animamos a todas as familias a acudir á concentración o día 20 de Novembro á saída do cole (14:00).

 10/11/2023 - Robótica 

Durante este curso, xa empezaron a impartirse ao alumnado de primaria, as clases de robótica do proxecto Coñece a túa cidade. A actividade desenvólvese en horario lectivo.

Esta actividade conta coa axuda da subvención da Deputación da Coruña. 

 13/10/2023 - Acordo co aparcadoiro A Catedral