Hen Alawon Newydd

Cefndir

Eleni, penderfynodd ysgolion dalgylch Glan-y-Môr, gydweithio ar brosiect er mwyn creu geiriau newydd ar hen ganeuon neu alawon. Y bwriad oedd plethu'r hen a'r newydd, a byddai cyfle i'r disgyblion ddysgu mwy am hanes a chefndir y caneuon gwreiddiol, yn ogystal â chreu fersiwn newydd eu hunain o'r gân.

Roedd angen i'r geiriau newydd ddathlu'r filltir sgwâr. Roedd yn gyfle hefyd i'r disgyblion fod yn falch o'u Cymreictod.

Roedd pob ysgol yn gweithio gyda bardd, artist neu berson creadigol er mwyn creu'r geiriau newydd. Ambell dro, gwahoddwyd cyn-ddisgyblion i helpu gyda'r cyfansoddi.

Ar ddiwedd y prosiect, cafodd yr ysgolion gyfle i recordio'r caneuon, fel bod modd i ni wrando a mwynhau alawon ein gilydd.