Mae cynnydd mewn dysgu yn broses o ddatblygu a gwella sgiliau a gwybodaeth dros amser. Mae hyn yn canolbwyntio ar ddeall beth mae'n ei olygu i wneud cynnydd mewn maes neu ddisgyblaeth benodol a sut y dylai dysgwyr ddyfnhau ac ehangu eu gwybodaeth a'u dealltwriaeth, eu sgiliau a'u galluoedd, a phriodoleddau a thueddiadau. Mae hyn yn allweddol er mwyn iddynt ymgorffori'r pedwar diben a symud ymlaen i wahanol lwybrau y tu hwnt i'r ysgol.

Y Pum Egwyddor Cynnydd:

• ehangder a dyfnder gwybodaeth cynyddol

• dyfnhau'r ddealltwriaeth o'r syniadau a'r disgyblaethau yn y meysydd;

• mireinio sgiliau a soffistigeiddrwydd cynyddol wrth eu defnyddio a’u cymhwyso;

• creu cysylltiadau a throsglwyddo’r dysgu i gyd-destunau;

• cynyddu effeithiolrwydd y dysgwr

Bydd Disgrifiadau o Ddysgu yn y datganiadau ‘Yr Hyn sy’n Bwysig’ yn cyfeirio at gamau cynnydd o fewn y Meysydd Dysgu a Phrofiad ac yn cefnogi ymarferwyr i arwain dysgwyr tuag at gyflawni’r 4 diben. Maent yn bwyntiau cyfeirio ar gyflymder disgwyliedig y cynnydd, i lywio'r cwricwlwm, yr addysgu a'r dysgu.

Mae'n hanfodol bod dilyniant a chynnydd mewn dysgu nid yn unig yn adlewyrchu gwybodaeth a dealltwriaeth y maes ond hefyd yn adlewyrchu'r galluoedd a adlewyrchir yn y pedwar diben, eu sgiliau cyfannol, a'r sgiliau trawsgwricwlaidd.

Er mwyn gwneud cynnydd bydd yn ofynnol i ddysgwyr ailymweld â'r cysyniadau a amlinellir yn y datganiadau o'r hyn sy'n bwysig, gan ddatblygu dealltwriaeth fwy soffistigedig a chymhwyso'r rhain wrth iddynt symud ymlaen. O ganlyniad, nid yw hyn yn broses linol, nac yn symud o un pwnc i'r llall heb wneud cysylltiadau rhwng dysgu a datblygu dealltwriaeth o'r cysyniadau sylfaenol a rennir.