Matsviðmið

Tekið úr Aðalnámskrá grunnskóla, endurskoðun 2024

Matsviðmið fyrir list- og verkgreinar

Matsviðmið eru sett fram fyrir allar námsgreinar og námssvið við lok 4., 7. og 10. bekkjar og eru þau lýsing á hversu vel nemandi hefur skilgreinda hæfni á valdi sínu. Skólum ber að setja matsviðmið fyrir námsgreinar og námssvið annarra árganga og gera grein fyrir þeim í skólanámskrá.

Matsviðmið eru birt á A–D matskvarða. A lýsir framúrskarandi hæfni B lýsir góðri hæfni, C sæmilegri hæfni og D hæfni sem nær ekki viðmiðum sem lýst er í C. Gera má ráð fyrir að þorri nemenda nái þeirri hæfni sem tilgreind er í B, hæfni náð, þar sem þau eru byggð á hæfniviðmiðum árgangsins.

A fá þeir sem sýna framúrskarandi hæfni og C þeir sem ekki standast fyllilega þær kröfur sem gerðar eru í B viðmiðum. Ekki eru sett viðmið fyrir D en sá vitnisburður er notaður þegar nemandi uppfyllir ekki kröfur sem gerðar eru í C viðmiðum. Skóli gerir þá sérstaka grein fyrir hæfni viðkomandi nemanda.

A–D matskvarða og matsviðmið er skólum skylt að nota við brautskráningu nemenda úr 10. bekk.

A–D matskvarða og matsviðmiðum við lok 4. og 7. bekkjar er ætlað að vera leiðbeinandi fyrir skóla og eru einungis sett fram til að styðja við námsmat við lok yngsta stigs og miðstigs.

Matsviðmið í Aðalnámskrá grunnskóla fyrir list- og verkgreinar.

Námsmat: Aðferðir leiðsagnarnáms eru nýttar þar sem lögð er áhersla á vaxandi hugarfar, og árangursríka samvinnu.

Upplýsingum um námsmat er haldið til haga í Mentor.

Nemendur fá umsögn í metanlegum hæfniviðmiðum sem eru sýnileg í Mentor.

Leiðsagnarnám: Áhersla er lögð á fjölbreyttar vinnuaðferðir í einstaklings, para og hópvinnu. Mikil samþætting er í námi nemenda og er reynt að tengja lestur við sem flestar námsgreinar.

Aðferðir leiðsagnarnáms eru nýttar þar sem lögð er áhersla á vaxandi hugarfar, árangursríka samvinnu og gagnvirkan lestur.

A Framúrskarandi hæfni og frammistaða í námi með hliðsjón af hæfniviðmiðum námsgreinar eða námssviðs.

B+ Notað þegar hæfni er sambærileg þeirri lýsingu sem á við einkunnina B og að hluta til þeirri lýsingu sem á við einkunnina A.

B Góð hæfni og frammistaða í námi með hliðsjón af hæfniviðmiðum námsgreinar eða námssviðs.

C+ Notað þegar hæfni er sambærileg þeirri lýsingu sem á við einkunnina C og að hluta til þeirri lýsingu sem á við einkunnina B.

C Sæmileg hæfni og frammistaða í námi með hliðsjón af hæfniviðmiðum námsgreinar eða námssviðs.

D Hæfni og frammistöðu í námi ábótavant með hliðsjón af hæfniviðmiðum námsgreinar eða námssviðs

Við styðjumst við A-D matskvarða í flestum tilfellum en sum verkefni eru þess eðlis að 1-10 (1-100) kvarði eða Lokið/ólokið á betur við.

Matsviðmið við lok 4. bekkjar

Nemandi getur unnið sjálfstætt og skipulega eftir forskrift og beitt réttum tækjum og tólum. Unnið sjálfstætt að verkefni byggt á eigin hugmynd að fullunninni afurð. Rætt viðfangsefni sitt af öryggi og nýtt sér algeng hugtök. Útskýrt kosti þess að velja umhverfisvæn efni úr nærumhverfi. Beitt viðeigandi vinnustellingum og sýnt af öryggi rétta notkun hlífðarbúnaðar. Sagt frá íslensku hráefni og unnið með það.

Nemandi getur unnið skipulega eftir forskrift og beitt tækjum og tólum við hæfi. Unnið verkefni byggt á eigin hugmynd að fullunninni afurð. Rætt viðfangsefni sitt á skiljanlegan hátt og nýtt sér algeng hugtök. Valið umhverfisvæn efni úr nærumhverfinu. Beitt viðeigandi vinnustellingum og sýnt rétta notkun hlífðarbúnaðar. Tengt íslenskt hráefni við verkefni sitt

Nemandi getur með aðstoð unnið skipulega eftir forskrift og beitt réttum tækjum og tólum. Unnið verkefni byggt á eigin hugmynd í samvinnu eða með aðstoð að fullunninni afurð. Rætt viðfangsefni sitt á nokkuð skiljanlegan hátt og nýtt sér algeng hugtök. Með aðstoð valið umhverfisvæn efni úr nærumhverfi. Beitt oftast réttum vinnustellingum og sýnt að jafnaði rétta notkun hlífðarbúnaðar. Sagt að einhverju leyti frá íslensku hráefni

Matsviðmið við lok 7. bekkjar

Nemandi getur skipulagt vinnu sína af öryggi, beitt nokkrum aðferðum og tækni í sjálfstæðri og skapandi vinnu. Sett fram vinnuteikningu eða verklýsingu byggða á eigin hugmynd og unnið sjálfstætt eftir hönnunarferli. Greint og rætt vel viðfangsefni sitt og notað af öryggi til þess algeng hugtök. Haft umhverfissjónarmið til hliðsjónar við efnisval og rökstutt valið. Sýnt frumkvæði og ábyrgð við réttar vinnustellingar, val á hlífðarbúnaði við hæfi og mjög góða umgengni um vinnusvæði. Fjallað um og unnið með íslenskt hráefni og tengt það sögu og menningu.

Nemandi getur gert verkáætlun og beitt nokkrum aðferðum og tækni í sjálfstæðri og skapandi vinnu. Notað einfalda vinnuteikningu eða verklýsingu byggða á eigin hugmynd og unnið eftir hönnunarferli. Greint og rætt viðfangsefni sitt og notað til þess algeng hugtök. Haft umhverfissjónarmið til hliðsjónar við efnisval. Sýnt réttar vinnustellingar, valið réttan hlífðarbúnað og sýnt góða umgengni um vinnusvæði. Sagt frá vinnu með íslenskt hráefni í tengslum við sögu og menningu.

Nemandi getur með aðstoð skipulagt vinnu sína og með leiðsögn beitt aðferðum og tækni í sjálfstæðri skapandi vinnu. Sett fram vinnuteikningu eða verklýsingu í hóp eða með aðstoð byggða á eigin hugmynd og unnið eftir hönnunarferli. Greint og rætt að nokkru leyti viðfangsefni sitt og notað til þess algeng hugtök. Með aðstoð valið umhverfisvæn efni í verkefnin sín. Valið með leiðsögn réttar vinnustellingar, valið að jafnaði réttan hlífðarbúnað og gengið frá eftir vinnu sína. Að einhverju leyti sagt frá vinnu með íslenskt hráefni í tengslum við sögu og menningu

Page updated

Report abuse