Bakstur

Bakstur - aðeins 9. og 10. bekkur (fyrir þá sem hafa ekki tekið bakstur áður)

Námslýsing: Nemendur fá þjálfun í að baka brauð og kökur. Þeir vinna sjálfstætt eftir að kennari hefur farið yfir vinnuferlið. Mikið er lagt upp úr góðu vinnulagi og að frágangur sé til fyrirmyndar.

● Áhersla er lögð á mismunandi baksturaðferðir, s.s. ger- og lyftiduft bakstur þar sem bakaðar verða bollur og múffur, sætabrauð úr þeyttu, hrærðu og hnoðuðu deigi.

● Nemendur vinna sjálfstætt eftir uppskriftum.

● Áhersla er lögð á hreinlæti, góða umgengni í verki og góðan frágang.

● Lögð er áhersla á að efla sjálfstæð vinnubrögð nemenda.

● Allir tímar eru verklegir.

Námsmat: Námsmat byggir á símati sem gert er í lok hverrar kennslustundar.

Kennslustundafjöldi: Verður 1x í viku, 80 mínútur í senn í eina önn.

Kennari: Bjargey Aðalsteinsdóttir.