Aðferð

Skerið rauðlauk, papriku og hvítlauk smátt.

Hitið stóran pott og brúnið nautahakkið í pottinum.

Bætið grænmetinu út í og látið krauma þar til það mýkist aðeins.

Kryddið með tacokryddinu og setjið gróft skorna tómatana út í.

Setjið salsasósuna, tómatpúrru, kjúklingatening og vatn út í og hleypið suðunni upp.

Skerið sætu kartöfluna í litla teninga og bætið út í.

Látið sjóða við hægan hita í 20-30 mínútur.

Bætið þá rjómanum og rjómaostinum saman við og smakkið til með salti og pipar ef ykkur finnst þurfa.

Gott er að stappa aðeins sætu kartöflurnar í súpunni með kartöflustappara því þá þykknar súpan aðeins.

Súpan er góð strax, en enn betri daginn eftir svo það er upplagt að gera auka fyrir nestið eða í matinn seinna.

Berið súpuna fram með meðlætinu góða og kreistið dálítinn límónusafa yfir hverja skál. Njótið í botn!