暗頓減食一口，活甲九十九。
Àm-tǹg kiám tsia̍h tsi̍t kháu, ua̍h kah káu-tsa̍p-káu.
愛媠毋驚流鼻水。
Ài-suí m̄ kiann lâu phīnn-tsuí.
翁某若仝心，烏塗變成金。
Ang-bóo nā kāng-sim, oo-thôo piàn-sîng kim.
尪姨順話尾，假童害眾人。
Ang-î sūn uē-bué, ké tâng hāi tsìng-lâng.
目睭花花，匏仔看做菜瓜。
Ba̍k-tsiu hue-hue, pû-á khuànn-tsò tshài-kue.
無通生食，哪有通曝乾。
Bô thang tshenn tsia̍h, ná ū thang pha̍k-kuann.
校長兼摃鐘。
Hāu-tiúnn kiam kòng tsing.
死蛇活尾溜。
Sí tsuâ ua̍h bué-liu.
雙手抱孩兒，才知爸母時。
Siang-tshiú phō hâi-jî, tsiah tsai pē-bú sî.