GOI MAILAKO LANBIDE HEZIKETA
EZAUGARRIAK
Goi-mailako teknikari titulazioa lortuko da ikasitako espezialitatean. 3. Mailako kualifikazioa eskaintzen du.
2 urteko iraupena du eta 3 hilabetez lan munduan murgiltzeko garrantzitsuak izango diren praktikak egingo dira.
Modalitateak:
Presentzialak
Erdi-presentzialak
Online
Duala
Irteerak unibertsitatea eta lan mundua izango dira. Unibertsitaterako sarrerari dagokionean, zikloko media izango da kontuan. Nota hau USEren borondatezko fasean parte hartuz igo daiteke.
SARTZEKO BALDINTZAK
Titulazioaren bitartez:
Lanbide Heziketako edo Arte Plastikoetako eta Diseinuko teknikari titulua (Erdi mailako Lanbide Hezkuntza).
Batxiler titulua.
Maila akademiko handiagoko beste titulazio batzuk:
Lanbide Heziketako edo Arte Plastikoetako eta Diseinuko teknikari-titulua edo goi-mailako titulua.
Unibertsitateko titulua.
Sartzeko proben bitartez (informazioa gehiago):
Goi mailako heziketa zikloetan sartzeko proba.
25 urtetik gorakoak unibertsitatean sartzeko proba.
Arte Plastiko eta Diseinuen familiako zikloetan izena emateko gaitasun artistikoa neurtzen duen froga gainditu beharko da. Batxilergo artistikoko modalitateko titulua duten ikasleek ez dute froga hau egin behar.
Sarrera ikastetxe bakoitzaren gutxieneko notaren arabera izango da.
ESKAINTZA
Euskarazko eskaintza:
Administrazioa eta finantzak. CIP Elizondo Lanbide Eskola IIP (Elizondo) / CIP Donapea IIP (Pamplona-Iruña)
Automatizazio eta robotika industriala. CI Donibane II (Pamplona-Iruña)
Haur-hezkuntza. CI Escuela de Educadores – Hezitzaile Eskola II (Pamplona-Iruña)
Gizarte eta kirol animazioa eta irakaskuntza. CIP FP Lumbier IIP (Lumbier-Irunberri)
Egokitze fisikoa. CI Burlada FP (Burlada-Burlata)
Gizarte integrazioa. CI Escuela de Educadoras-es – Hezitzaile Eskola II (Pamplona-Iruña)
Mekatronika industriala. IES Toki Ona BHI (Bera)
Abeltzaitza eta abeeren osasunerako laguntza. CI Agroforestal (Pamplona-Iruña)
SARRERA ETA ONARPENA
Nafarroan goi-mailako zikloetan sartzeko prozesuan hiru sarbide talde ezarri dira. Onarpen prozesuaren lehen fasean, goi mailako talde bateko ikaspostuak (oro har, 20 ikaspostu talde bakoitzeko) honela banatuko dira:
taldea. Batxilergoa - 10 ikaspostu
taldea. LHko edo Arte Plastikoetako eta Diseinuko teknikaria - 8 ikaspostu
taldea. Proba eta beste titulazio batzuk - 2 ikaspostu
Batxilergotik datozen ikasleentzako Batxilergoan egindako modalitatean araberako lehentasuna izango da.
Aurreinskripzioa maiatzaren lehen astean izaten da. Online (esteka) edo zure lehenengo aukera den ikastetxean egin daiteke.
6 aukera egin daitezke, lehentasunaren arabera antolatuak. Lehen aukera ez diren zikloan onartua izanez gero, esleipenaren hobekuntza eskatu daiteke. Kasu honetan ikaslea adi egon beharko beste graduetako zerrendekin. Beste ikasketa batetan onartua izatekotan, matrikula dagokion epean egin beharko baitu.
Ekainaren bukaeran interesa konfirmatu beharko da eta Batxilergoko espedientea entregatu. Matrikula ezarriko den datan egin beharko da plaza ez galtzeko.
Aurreinskripzioa maiatzan egiten ez bada, Irailean bete gabeko plazen esleipenean parte hartu ahalko da. Kontuan izan behar da epe honetan plaza gutxi esleitzen dira.
Ikastetxe pribatuen kasuan, haiek ezartzen dituzte onarpen baldintzak.
IRTEERAK
Goi-mailako zikloak bukatzean hurrengo ibilbideak jarrai daitezke:
Unibertsitatea: Goi mailako zikloan izandako emaitzen media unibertsitatean sartzeko ebaluazioan izandako emaitzaren baliokidea izango da. Hortaz, unibertsitateko ikasketak egitea ahalbidetzen du.
USEren borondatezko fasean parte hartu ahalko da nota igotzeko (4 puntuz gehienez).
Goi-mailako lanbide heziketa: Beste Goi-mailako lanbide heziketa zikloak egin ahalko dira.
Lan mundua: Zikloak lan mundurako prestaketa ahalbidetzen dute.
KONBALIDAZIOAK
Goi-mailako ziklo batzuk unbertsitateko gradu batzuekin erlazionatuta daude. Honen ondorioz, goi-mailako zikloetan egindako ikasgai batzuk unibertsitateko graduetako ikasgaiengatik konbalidatu daitezke.
Nafarroako Unibertsitate Publikoak hainbat ikasgai automatikoki konbalidatu egiten. Hauek jarraian aurkituko duzun estekaren bitartez kontsulta daitezke.
Modu berean, beste goi-mailako ziklo bat ikastekotan ikasgaiak konbalidatzeko aukera izango da.