Derrigorrezko Bigarren Hezkuntzako azken ikasturtea da. Behin gaindituta, ikasleak DBH tituloa eskuratuko du. 

Ondorioz, ikasturte hau bukatzerakoan hurrengo helburuak lortuko dira:

"Ikasleek kulturaren oinarrizko elementuak bereganatzea, batez ere alderdi humanistikoan, artistikoan, zientifiko-teknologikoan eta motorrean; ikasleengan ikasteko eta lan egiteko ohiturak garatzea eta finkatzea, bai eta bizi-ohitura osasungarriak ere; eta, halaber, ondorengo ikasketei heltzeko nahiz laneratzeko prestatzea eta herritar gisa dituzten eskubide eta betebeharrak gauzatzeko trebakuntza ematea"

Tituloa lortzeko, ikasleek ikasgai guztiak gainditu beharko dituzte. 

Bestela, DBHko tituloa lortuko dute Derrigorrezko Bigarren Hezkuntza bukatzean, irakasle taldearen iritziz, ezarritako gaitasunak eskuratu eta etapako helburuak lortu dituzten ikasleek.

Tituloa eskuratu bada:

• Batxilergoa

• Erdi Mailako Lanbide Heziketa

• Lan Mundua

Tituloa ez bada eskuratu:

• Errepikatzea: 

  • • DBHko etapan behin bakarrik errepikatu daiteke. Salbuezpenez, DBH4. mailan beste behin errepikatu ahalko da, baldin eta irakasle taldeak neurri hau oinarrizko gaitasunak lortzeko baliogarria izango dela uste badu.

• Oinarrizko Lanbide Heziketa.

DBH 4. maila bukatzerakoan, ikasleari aholku orientatzailea emango zaio. Bertan proposamen bat sartuko da egokien jotzen diren aukera akademikoei, prestakuntzakoei edo profesionalei buruz.