Hauek dira ikasketak egin ahal izateko bete beharko diren baldintzak:

• Batxiler titulua izatea.

• 25 urtetik gorakoak unibertsitatean sartzeko proba gainditua izatea.

• 19 urtetik goitikoak edo matrikulatutako ikasturtean adin hori betetzen duten ikasleak egin ahalko dituzte, nahiz eta Batxilergo titulurik ez izan, heldutasun proba gainditzen badute. Proba horretan izangaiak heldutasuna frogatuko du Batxilergoaren helburuei dagokienez. Proba horrek betiko balioko du goi mailako arte ikasketetan sartzeko Estatu osoan.

GAITASUN FROGA

Sartzeko nahitaezkoa izango da sarrera froga bat gainditzea. Froga horrek barne hartuko ditu: musika-tresna, musika hizkuntzaren gaineko ezagutza teoriko-praktikoak eta entzumen gaitasuna.

NAFARROAN:

• Interpretazioa (akordeoia, harpa, jazzeko baxu elektrikoa, jazzeko bateria, kantua, jazzeko kantua, klarinetea, klabea, kontrabaxua, jazzeko kontrabaxua, fagota, moko-flauta, zeharkako flauta, gitarra, jazzeko gitarra elektrikoa, oboea, organoa, perkusioa, pianoa, jazzeko pianoa, saxofoia, jazzeko saxofoia, tronboia, jazzeko tronboia, tronpa, tronpeta, jazzeko tronpeta, tuba, txistua, biola, biolina eta biolontxeloa)

• Musikologia

• Konposizioa

• Pedagogia