Tula

KABANATA

-Isinulat ni: Princess Ella Mae F. Hagara

Paksa: Unang Pag-ibig

Sa pagbukas ng pahina nitong nobela

Nasaksihan ko kung gaano kagaling sumulat ang tadhana

Kung saan dalawa tayong bida sa magandang storya

Masasabi kong pamilyar ang kwentong ito

Dalawang inosenteng puso ang nagkatagpo

Parehong walang kamalay-malay sa agos ng mundong mapaglaro.

Namarahuyo ako sa angkin mong dalisay

Sa agos ng iyong ngiti ako’y nagpatangay

Nalunod na rin sa kalawakan ng iyong mga matang mahusay.

Tayo’y nagkakilala, nagkakwentuhan, nagkasama

Araw at gabing walang oras na hindi napatawa

Walang hanggan ang nararamdamang saya Sa oras ng sakuna, ikaw ang aking pahinga

Ngunit musmos pa ang mga puso

Sa pagsabak sa walang kasiguraduhang mundo,

Sinubok ang inosenteng pag-ibig ng mga nilalang na ito

Nagbago bigla ang ikot ng kwento

Hindi na ako ang naging dahilan ng mga ngiti mo

Ngunit ilalaan ko sa tadhana ang pahinang ito

Alam kong pinagtagpo tayo upang matuto

Na ang pag-ibig ay hindi para sa mga mahihina ang puso

Kung hindi sa mga taong kayang sumugal sa isang laro

Larong walang kasiguraduhan ang pagkapanalo

Gusto ko mang tayo ang magkasama sa wakas nitong nobela

Ngunit dito na matatapos ang storya

At iiwan ang lahat ng alaala upang gumawa ng panibagong kabanata

Dahil ikaw man ang prologo ng kwentong ito

Ngunit hindi ikaw ang aking epilogo.

'TEH, ALAM MO NA BA?

-Isinulat ni: Shanine Ijie V. Salome

Usong-uso talaga ang mga trends, 'no?

Daming trending dito sa twitter at facebook

Nagpost is idol, ila-like at share ko 'to

Teka lang, punong-puno na ang browser ko

Social media talagan nakaka-adik

Buntis na daw itong sikat na artista

"True ba? Like Legit!" tanong ng mga tao

Itong mga bashers ay walang magawa

Ang talas talaga ng antena nitong mga marites,

Akalain mo palaging updated sa latest

Ngunit ika'y mag-iingat kaibigan

Mahirap na, baka fake news na naman 'yan!

Ang mga pekeng balita ay kay bilis

Sa t'wina, suriin lagi ang iyong source

huwag kakalimutan, "Think before your click"

Kung ayaw mong sumabog ang iyong notif

ANG AKING UNANG PAG-IBIG

-Isinulat ni: Alen

Ang aking unang pag-ibig

Sa simula pa lang ay sadyang kaibig-ibig,

Ang iyong bawat ngiti at boses na kay sarap pakinggan,

Sa araw-araw ay siyang aking kinaaadikan.

Kay sarap ulit-ulitin.

Ang bawat halakhak at kuwentuhan,

Ay siyang paulit-ulit bumabalik sa akin,

Ang masasayang araw at mga kulitan.

Ang hirap magsimula sa umpisa,

Dahil hindi mo alam kung sa’n ito mag-uumpisa.

Mahirap humanap ng bagong magiging paksa,

At pumasok sa bagong pahina at dahilan ng pagluha.

Ikaw at ikaw parin ang una at huling mamahalin

Madaming iba, pero sa’yo paulit-ulit bumabalik dahil ika’y akin.

O hindi ko na ba masabing ika’y akin?

Huwag naman sana dahil mga ala-ala’y bumabalik sa’kin.

Mahal Kita, mahal na mahal, kaya kay hirap humanap ng iba.

Ang hirap humanap ng iba, ng bagong isang tahanan dahil malaki ang pagkakaiba,

Kaya kay hirap mag-umpisa,

Kaya ako ito bumabalik sa unang pag-ibig na sayo’y nag-umpisa.

Report abuse