2010

As pezas Mbira Song e Dualités foron as protagonistas da experiencia colaborativa inicial entre os departamentos de percusión e danza contemporánea do Conservatorio Profesional de Música Xoán Montes e do Conservatorio Profesional de Danza de Lugo, respectivamente. Ambas formaron parte de espectáculos de danza colectivos e heteroxéneos desenvoltos ese ano, poñendo, non obstante, a primeira pedra dun longo camiño de colaboracións e proxectos de maior entidade e unidade artística.