Desde Zalaeta participamos có noso proxecto inclusivo Deseño e Son, desde o Cafi elaboraron un vídero resumo do noso traballo (con fotos e clips que previamente enviamos).
Presentamos o proxecto desde o noso stand en realidade aumentada e con sala de chat creada para o evento, na que puidemos responder as preguntas dos visitantes.
Este ano a Maker Faire Galicia, unha das feiras maker máis importantes de Europa, celebrouse do 18 ao 22 de novembro e nun novo formato 100% online. Mediante o desenvolvemento dunha potente plataforma, a organización apostou por potenciar aquilo que consideran os seus valores diferenciais, o coñecemento compartido e o seu carácter interactivo. Neste novo formato, os participantes poderon vivir unha experiencia única desde calquera punto do planeta.
A Maker Faire Galicia engade unha xornada específica sobre educación na súa sexta edición, esta xornada celebrouse o 20 de novembro nun Museo Gaiás virtual, en horario de 09:00 a 18:00 horas. Nela houbo charlas con profesionais de referencia, obradoiros para todas as idades e exposición online de proxectos.
Foron presentados moitos proxectos educativos innovadores e sorprendentes, para esta xornada, onde se compartiu coñecemento coa comunidade educativa.
Dos proxectos se seleccionaron para competir en dúas categorías: minimaker (ata 16 anos) e maker (maiores de 16 anos), que particicparon na fase de concurso realizando unha presentación breve diante dun xurado experto que premiou ao máis innovador.
Seleccionados para Fase de concurso de proxectos educativos
A xornada foi moi enriquecedora aprendemos con outros proxectos e demos a coñecer o noso con moi boas valoracións.
Un grupo de alumnado de 4º, 1º e 2º de Bacharelto preparou a presentación para o concurso, fixeron un traballo excelente aplicando a técnica de Elevator pitch para resumir un proxecto de anos en menos de 3 minutos.
Sara, Celia, Andrea, Amalia, Óscar, Iván, Hugo, Martina e Noa ensaiaron con Tono Frade e Paz Freire e practicaron presentando para os nosos socios da clase roja de CEE Lourdes, por videoconferencia e con máscaras por suposto.
