Blood Pressure Apparatus Distribution | Barangay Tinongtongan

Niadtong Enero 20, 2026, gipahigayon usab ang Blood Pressure Apparatus Distribution aron dasigon ang regular nga pag-monitor sa presyon sa dugo sulod sa panimalay. Ang paghatag og BP apparatus usa ka konkretong lakang sa sayong pag-ila sa altapresyon ug sa mas epektibong pagdumala niini.

Pinaagi niini, gilauman nga mas mabantayan sa mga residente ang ilang kahimtangan sa kahimsog ug malikayan ang seryosong komplikasyon sa high blood pressure.

Daghang salamat sa tanang partners ug volunteers nga mitabang sa kalihukan.

Magpadayon ta sa paningkamot alang sa mas himsog ug lig-on nga Barangay Tinongtongan!

#TindogTinongtongan

#BPMonitoring

#PresyonKontrolado

#CommunityHealth

MEDICATION ADHERENCE EDUCATION SESSION & HPN CLUB MEETING

Mapasalamaton kami sa tanang miyembro sa HPN Club nga mitambong sa Medication Adherence Education Session ug HPN Club Meeting niadtong Enero 16, 2026.

Gipahinumdoman ang mga partisipante sa kahinungdanon sa sakto ug regular nga pag-inom sa tambal, lakip ang pag-atiman sa lifestyle isip kabahin sa pagdumala sa altapresyon.

Ang kalihukan nagpalig-on sa panaghiusa sa HPN Club ug nagdasig sa mga miyembro nga magpadayon sa maayong pamatasan alang sa mas himsog nga kaugmaon.

#TindogTinongtongan

#BPMonitoring

#PresyonKontrolado

#CommunityHealth

LAKBAY KONSULTA: HPN HEALTH CONSULTATION DAY

Nahuman ang usa ka malampusong Lakbay Konsulta: HPN Health Consultation Day niadtong Enero 9, 2026, nga gitumong sa paghatag og libre nga konsultasyon ug blood pressure monitoring sa mga residente sa Barangay Tinongtongan. Nitambong ang mga hypertensive patients, BHWs, purok leaders, ug uban pang miyembro sa komunidad aron magpacheck ug makadawat og tambag kabahin sa hustong pagdumala sa altapresyon.

Gipahigayon ang kalihukan uban sa suporta sa barangay ug health team aron mas mapaduol ang serbisyong panglawas sa katawhan.

Dako among pasalamat sa tanang mitabang ug nitambong sa maong aktibidad.

Magpadayon ta sa paningkamot alang sa mas himsog nga Tinongtongan!

#TindogTinongtongan

#BPMonitoring

#PresyonKontrolado

#CommunityHealth

TESDA LIVELIHOOD ORIENTATION

Dako among pasalamat sa TESDA, especially kay Ma'am Jay Farrah Ampaso, PESO MANAGER, sa ilang suporta sa Livelihood Orientation nga gipahigayon niadtong Enero 20, 2026.

Ang sesyon nagtanyag og impormasyon kabahin sa lain-laing skills training ug livelihood programs nga makatabang sa pagpalambo sa panginabuhian sa mga residente.

Pinaagi sa maong kalihukan, gitumong nato ang pagpalig-on sa komunidad dili lang sa kahimsog kundi apil na usab sa ekonomikanhong kalig-on.

#TindogTinongtongan

#BPMonitoring

#PresyonKontrolado

#CommunityHealth

HYPERTENSION CLUB MEMBER

PROCURED MEDICATIONS BY BARANGAY

Medication Dispensing Program | Barangay Tinongtongan

Niadtong Enero 20, 2026, gipahigayon ang Medication Dispensing Program isip suporta sa padayon nga pagdumala sa altapresyon sa mga residente sa Barangay Tinongtongan. Gipanghatag ang libreng tambal aron matabangan ang mga pasyente nga makapadayon sa ilang treatment ug malikayan ang posibleng komplikasyon sa taas nga presyon sa dugo.

Gipadayag usab sa kalihukan ang kahinungdanon sa sakto ug regular nga pag-inom sa tambal isip kabahin sa pag-atiman sa kaugalingong kahimsog.

Daghang salamat sa tanang health workers ug partners nga mitabang sa kalampusan sa kalihukan.

Padayon ta sa pag-atiman sa kahimsog sa matag Tinongtonganon!

#TindogTinongtongan

#BPMonitoring

#PresyonKontrolado

#CommunityHealth

Page updated

Google Sites

Report abuse