SOCIAL MEDIA POSTINGS | AWARENESS
SOCIAL MEDIA POSTINGS | AWARENESS
Embedded Files
LOOK | HPN AWARENESS IN BARANGAY TINONGTONGAN
LOOK | HPN AWARENESS IN BARANGAY TINONGTONGAN
Barangay Tinongtongan!
Kahibalo ba mo unsa ang hypertension o high blood?
Kini nga sakit hilom pero peligroso—makadaot sa atong kasingkasing, utok, ug kidney kung pasagdan!
Ang among datos nagpamatuod kung ngano importante kaayo nga kabalo ta, magpacheck ta, ug mag-amping pirme!
Kini dili lang problema sa uban—ato ning tanan!
Panahon na para mukilo’s ug magtinabangay!
Tindog Tinongtongan—bantayi ang high blood, ampingi ang kinabuhi!
LOOK | HPN AWARENESS IN BARANGAY TINONGTONGAN
LOOK | HPN AWARENESS IN BARANGAY TINONGTONGAN
Mga Ilhanan ug Sintomas sa High Blood (Hypertension)
Kahibalo ba mo nga ang high blood kasagaran walay klarong gibati?
Busa, importante nga kabalo ta unsay mga ilhanan ug sintomas aron malikayan ang komplikasyon!
Ang among gipangandam nga impormasyon magpakita kung ngano importante nga magpacheck ta sa BP ug magpakabana sa atong kahimsog!
Tindog Tinongtongan—kabalo ta, mag-amping ta!
REMINDER | HPN AWARENESS IN BARANGAY TINONGTONGAN
REMINDER | HPN AWARENESS IN BARANGAY TINONGTONGAN
Ayaw kalimot sa imong tambal karong adlawa!
Ang pagtumar sa maintenance nga tambal kada adlaw makatabang nga malikayan ang komplikasyon sa high blood sama sa stroke, heart attack, ug kidney failure.
Gamay nga buhat kada adlaw, dako’g kaluwasan sa umaabot! Tindog Tinongtongan—inum tambal, ampingi ang kinabuhi!
LOOK | HPN AWARENESS IN BARANGAY TINONGTONGAN
LOOK | HPN AWARENESS IN BARANGAY TINONGTONGAN
Bantayi ang Komplikasyon sa High Blood!
Ang hypertension usa sa mga sakit nga hilom pero delikado. Kung dili matagad, kini makadala og grabeng kadaot sa lawas.
Busa importante kaayo nga kabalo ta, magpacheck sa BP, ug mag-amping pirme!
Tindog Tinongtongan—likayi ang komplikasyon, protektahi ang imong kinabuhi!
LOOK | HPN AWARENESS IN BARANGAY TINONGTONGAN
LOOK | HPN AWARENESS IN BARANGAY TINONGTONGAN
Modifiable vs Non-Modifiable Risk Factors sa High Blood
Kahibalo ba mo nga naay mga risk factors sa high blood nga pwede nato mausab, ug naa puy mga dili nato makontrol?
Mao ni ang rason nga importante ang kahibalo—aron mahibaw-an nato kung unsa ang atong mahimo karon para malikayan ang hypertension!
Ang pag-uswag sa atong lifestyle ug pagpakabana sa kahimsog usa ka dakong lakang padulong sa mas himsog nga kaugmaon.
Tindog Tinongtongan—buhata ang kaya nimong mausab, ug bantayi ang imong lawas!
Truth Over Tension: Mito vs Tinuod Bahin sa High Blood
Daghan gihapon ang mga kasaypanan ug daang pagtuo bahin sa hypertension nga makadaot kung ato lang tuohan.
Importante nga klarohon nato ang kamatuoran aron malikayan ang sayop nga praktis ug mas mapanalipdan ang atong panglawas.
Ayaw tugoti nga ang mito maoy mopugong nimo sa pag-amping sa imong kaugalingon!
Tindog Tinongtongan—Truth Over Tension, ilhon ang tinuod, isalikway ang mito!
BHW TRAINING SA BP MONITORING
BHW TRAINING SA BP MONITORING
Niadtong Hulyo 2, nahuman ang usa ka hinungdanong pagbansay alang sa lima (5) ka Barangay Health Workers (BHW) sa Barangay Tinongtongan kabahin sa manual nga pagkuha sa blood pressure gamit ang sphygmomanometer ug stethoscope.
Pinaagi niini nga pagbansay, mas napalig-on ang ilang kahanas ug kasaligan sa pagmonitor sa altapresyon sa komunidad.
Daghang salamat sa atong masinati ug masaligan nga mga BHW sa ilang partisipasyon ug kadasig alang sa mas himsog ug lig-on nga Tinongtongan!
DAGHANG SALAMAT | RHU DIPLAHAN
DAGHANG SALAMAT | RHU DIPLAHAN
Dako among pasalamat sa RHU Diplahan sa paghatag og mga tambal para sa atong mga hypertensive nga residente sa Barangay Tinongtongan — usa kini ka dakong tabang sa pagpadayon sa ilang maintenance ug kahimsog!
Among gipasalamatan si Dr. Michael Site, Municipal Health Officer, ug si Jessa Abadiano, NCD Coordinator, sa ilang walay puas nga suporta ug malasakit para sa among komunidad.
HYPERTENSION AWARENESS ACTIVITY | BARANGAY TINONGTONGAN
HYPERTENSION AWARENESS ACTIVITY | BARANGAY TINONGTONGAN
Hypertension Awareness Activity | Barangay Tinongtongan
Niadtong July 8, 2024, gipahigayon ang usa ka Hypertension Awareness Activity sa Barangay Tinongtongan, nga gitambongan sa mga hypertensive nga residente, mga Barangay Health Workers (BHWs), ug uban pang mga ka-barangay.
Lakip sa mga kalihukan ang:
Lecture ni Dr. Michael Site, Municipal Health Officer sa RHU Diplahan, kabahin sa altapresyon (high blood) – mga hinungdan, sintomas, komplikasyon, ug paagi sa paglikay ug pagdumala niini
Paghatag og maintenance na tambal alang sa mga hypertensive patients
Election sa mga opisyal sa Hypertension Club sa Barangay Tinongtongan, aron padayon nga masuportahan ang edukasyon ug panglawas sa komunidad
Daghang salamat sa RHU Diplahan, especially kay Dr. Site sa ilang suporta ug dedikasyon sa public health!
HYPERTENSION CLUB ORIENTATION | BARANGAY TINONGTONGAN
HYPERTENSION CLUB ORIENTATION | BARANGAY TINONGTONGAN
Niadtong July 12, 2025, gipahigayon ang orientation alang sa bag-ong napiling mga opisyal sa Hypertension Club sa Barangay Tinongtongan. Gipasabot kanila ang ilang mga tahas ug gihatagan og higayon nga ipahayag ang ilang mga ideya ug tinguha para sa kalambuan sa club.
Sa diskusyon, ilang gisugyot ang pagbuhat og monthly activities matag katapusan nga Sabado sa kataposang semana sa matag bulan, nga ipangalan nga:
HPN DAY (Hypertension Day)
HPN DAY (Hypertension Day)
Mga kalihukan sa HPN DAY:
→ Kamustahan – aron ma-monitor ang emosyonal ug mental wellbeing
→ BP Taking ug Monitoring – regular nga pag-track sa presyon
→ Zumba Sessions – sayaw para sa kalingawan ug physical fitness!
Gina-acknowledge usab namo ang presensya ug aktibong partisipasyon sa atong mga Barangay Health Workers (BHWs), ilabi na kang Ma’am Aiza Bacay ug Ma’am Hailyn Punsalan, nga nagsilbing giya ug suporta sa tibuok kalihukan.
Daghang salamat sa tanang misalmot, ug sa inyong kadasig sa pagtabang sa atong mga hypertensive nga ka-barangay!
HEALTHY LIFESTYLE LECTURE | IN COORDINATION WITH RHU DIPLAHAN
HEALTHY LIFESTYLE LECTURE | IN COORDINATION WITH RHU DIPLAHAN
Nahuman ang usa ka malampusong kalihukan niadtong Hulyo 14, 2025, nga gipangulohan sa Hypertension Team nina Adrian Juljani, Shariff Abdurahman Abil, ug Tasha Eugenio. Nitambong ang mga hypertensive patients, purok leaders, BHWs, kagawad, ug uban pang miyembro sa komunidad alang sa lecture kabahin sa Healthy Diet ug Lifestyle ubos sa tema: “Presyon Kontrolado, Gulay ang Sekreto!”
Gipangulohan ang lecture ni Ms. Jessa Mae Abadiano, RN, ang atong buotan ug dedikadong NCD Coordinator, nga mipahat og mahinungdanong impormasyon kabahin sa husto nga pagkaon, aktibong pamatasan, ug paglikay sa komplikasyon sa altapresyon.
Dako among pasalamat sa tanang nitambong ug niapil sa kalihukan.
Magpadayon ta sa paningkamot alang sa mas himsog nga Tinongtongan!
HEALTHY LIFESTYLE LECTURE | IN COORDINATION WITH THE DEPARTMENT OF AGRICULTURE
HEALTHY LIFESTYLE LECTURE | IN COORDINATION WITH THE DEPARTMENT OF AGRICULTURE
Dako among pasalamat kang Ms. Jacky N. Matildo, L. Agri, MagDev, MA sa iyang dedikadong pagrepresentar sa Department of Agriculture atol sa kalihukan nga gitawag “Lecture sa Healthy Diet ug Lifestyle: Usa ka Talakayan uban sa Department of Agriculture” nga gipahigayon niadtong Hulyo 14, 2025.
Naghatag siya og mahinungdanong impormasyon kabahin sa papel sa nutrisyon ug gulay sa pagpugong ug pagdumala sa altapresyon, ilabina sa pagpalambo sa himsog nga pamatasan sa pagkaon ug kinabuhi sa komunidad.
Gidugang usab ang turnover sa vegetable seeds ngadto sa mga purok leaders isip konkretong lakang aron dasigon ang pagpananom sa kaugalingong gulay ug pagpraktis sa sustenableng pagkaon sulod sa panimalay.
Padayon ang among suporta alang sa mga inisyatibo nga nagpalig-on sa kahimsog sa Barangay Tinongtongan!
Paskil Para sa Kahimsog | Health Information Drive sa Hypertension
Paskil Para sa Kahimsog | Health Information Drive sa Hypertension
Nagkahiusa ang among team sa pagpakatap sa kahibalo kabahin sa Hypertension pinaagi sa pagpangpaskil og mga health posters sa matag purok ug panimalay.
Kini nga kalihukan usa sa among paningkamot nga mahatagan ang komunidad og saktong impormasyon aron malikayan ang mga komplikasyon sa taas nga presyon. Daghang salamat sa tanang purok nga mitabang ug misuporta!
Page updated
Google Sites
Report abuse