• 2011 F.Sh.T. në bashkëpunim me Shoqatën e tenisit “Tirana”, duke filluar nga viti 1996, ka organizuar në këtë qendër mbi 50 seminare dhe seanca trajnimi për trajnerë dhe lojtarë të avancuar me pjesëmarjen e trajnerëve të Federatës Botërore të Tenisit dhe asaj Europiane.

• 2011 F.Sh.T. ka organizuar në këtë qendër mbi 90% të turneve dhe kampionateve të tenisit në Shqipëri duke filluar nga viti 1995.

• 2010 Shoqata siguron një investim prej 30.000,00 € për blerjen dhe rishtrimin e tartanit (i cili ka jetëgjatësi 6 vjeçare) në të pesë fushat si dhe rikonstruktimin e asfaltit të fushave, i cili kishte pësuar disa plasaritje (ndodhin me kalimin e kohës). Gjithashtu u veshën me rrjeta muret rrethues dhe u blenë rrjeta për të pesë fushat e kompleksit.

• 2008 Shoqata e Tenisit “Tirana” krijon ekipin e tenisit për personat me aftësi të kufizuara të cilët luajnë me karroca profesionale dhe në përgjithësi përdorin një bazë materiale dhe kanë një trajnim të mbuluar vetëm prej saj.

• 2004 Rritet numri i turneve të organizuar nga F.Sh.T. në kompleksin tashmë të rinovuar. Gjithashtu numri i fëmijëve, sportistëve me nivel dhe amatorëve që frekuentojnë këto fusha shënon rritje.

• 2003 Shoqata organizon për herë të parë Turneun e Amatorëve të Tenisit. Fillimisht organizohej çdo vit por sot ky turne organizohet tre herë në vit. Vëmendja e Shoqatës në këtë drejtim është e veçantë dhe arritjet janë të dukshme.

• 2003 Shoqata lidh kontratë dhjetëvjeçare me Sport Klub “Tirana” për marjen me qera të 2 fushave nga 5 gjithsej mbi të cilat ishte kryer investimi.

• 2003 Gjendja e komleksit të fushave të tenisit, ku Shoqata e Tenisit “Tirana” kryen aktivitetin e saj të stërvitjes së ekipeve zinxhir dhe të ekipit kombëtar, është e një niveli të keq. Me punën e saj u mundësua dhe u realizua shërbimi për rikonstruksionin e fushave të tenisit (5 të tilla). Shërbimi përfshinte:

- Shtrim me asfaltobeton në trashësi 5 cm i të pesë fushave.

- Shtresë tartani

- Suvatim i të gjitha mureve rrethues

- 7 dyer

- 5 rrjeta etj. (foto)

-

Theksojmë se në një total prej $70. 000,00 dollarësh investim, shoqata nuk pati asnjë lidhje me manaxhimin direkt të tyre. Ajo siguroi burimet dhe vetëm mbikqyri cilësinë dhe anën teknike të punimeve për realizimin e standardeve të duhura të fushave.

• 2003 Shoqata organizon në sheshin “Nënë Tereza” aktivitetin “Tenis për të gjithë”. Marrin pjesë 1500 fëmijë të shkollave të inkuadruara në programin e Mini Tenisit. Ky aktivitet u vlerësuan nga Federata Botërore dhe ajo Europiane e Tenisit, të cilat kishin dërguar përfaqësuesit e tyre në të.

• 2003 Shoqata e Tenisit “Tirana”, në bashkëpunim me F.Sh.T. dhe Federatën Europiane të Tenisit iniciojnë futjen e Mini Tenisit në shkollat fillore. Ky program organizohet dhe zbatohet edhe sot nga kjo shoqatë. Sot në këtë program marrin pjesë 11 shkolla në Tiranë dhe 7 shkolla në rrethe.

• 2002 Krijohet Shoqata e Tenisit “Tirana” nga ana e drejtuesve të ekipit, si nevojë e një hapi të mëtejshëm në organizimin e aktiviteteve të tenisit pa hequr dorë nga përfaqësimi në të gjitha aktivitetet e ekipeve të tenisit “Tirana”, të inkuadruar në klubin shumësportësh “Tirana”, por pa qënë në organikën e këtij klubi.

• 1996-2002 Ekipi “Tirana” fiton të gjitha turnetë dhe kampionatet kombëtare të organizuara nga F.Sh.T. dhe të gjitha ekipet kombëtare formohen me lojtarë të këtij ekipi.

• 1999 Dy lojtarë të ekipit “Tirana” arrijnë në çerekfinale, në një turne europian.

• 1998 Trajnerë të këtij ekipi fitojnë bursë për t’u specializuar pranë Federatës Europiane të Tenisit.

• 1997 Si rezultat i krijimit të këtyre ekipeve, Federata Shqiptare e Tenisit organizon kampionatet kombëtare të të gjitha moshave.

• 1997 Ekipi kompletohet me grupimet zinxhir të të gjitha moshave nga 10 vjeç deri në ekipin e të rriturve.

• 1996 Një lojtar i këtij ekipi merr pjesë për herë të parë në një kampionat europian të rinjsh duke përfaqësuar Shqipërinë.

• 1995 Krijohet ekipi i tenisit “Tirana” pranë klubit shumësportësh.