Heimsókn í hesthús

Föstudaginn 16. maí fóru yngri strákarnir í Meistaradeildinni í heimsókn í hesthús til Ulrike, eins af kennurunum í deildinni. Ulrike tók á móti hópnum og sýndi þeim allt hesthúsið. Hestarnir hennar voru úti í gerði, en aðrir hestar inni í húsinu. Það reyndist áskorun að fara inn og ganga milli stíga þar sem margir forvitnir hestar fylgdust grannt með, en að lokum tókst öllum að komast um húsið og gefa hestunum smá hey.

Það skemmtilegasta við daginn var þegar hópurinn settist út í garð og gæddi sér á nestinu sínu. Í eftirrétt fengu allir kakó og kex. Þegar börnin voru orðin södd, kynntust þau hestinum Gáska. Hann fékk að bíta gras í garðinum á meðan hópurinn burstaði hann. Nokkrir aðrir hjálpuðu svo til við að moka í gerðinni.

Áður en lagt var af stað heim fengu allir hestarnir epli. Á heimleiðinni var stoppað á leikvelli, þar sem krakkarnir léku sér áður en strætó sótti fjóra káta en þreytta nemendur og keyrði þá aftur í skólann.