Markeliñe etorri da hitzaldi bat ematera. Bi atal izan zituen hitzaldia, lehenengoa klasean izan zen eta beraiek haiei buruzko gauzak kontatu zizkiguten, bigarrena gimnasioan izan zen.

KLASEAN

Guretzat interesgarriak iruditu zitzaizkigun gauzak hurrengoak dira.

Hitz gabeko edo gutxi dituzten antzerkiak egiten dituzte. Objektuak erabiltzen dituzte beste erabilera desberdin bat emateko. Musika erabiltzen dute eta batzuetan zuzenean.

0tik aurrerako pertsonentzako dira beraien antzerkiak.

Garrantzitsuena da nola kontatzen ditugun gauzak umeei, ez kontatzen duzuna, haiek zintzotasuna behar dutelako.

Metaforekin jolasten dute beraien antzerkietan.

GIMNASIOAN

Bost pertsonezko taldeak egin genituen. Talde bakoitzak eginkizun desberdin bat zeukan.

Bi talde inprobizazio bat egin behar izan genuen. Beste bi talde antzerki txikiak. Beste talde bat egoera bat zeukaten eta nola plasmatuko zuten pentsatu behar izan zuten. Beste talde batek hiru txerrikumeen ipuina nola kontatuko lukete nerabeei pentsatu zuten. Eta azkena urtaroak nola landuko lukete pentsatu zuten.

Beraien antzezlanak

ANDANTE

Marea goian zegoen batean, kontatu beharreko istorioak itzuli zituen itsasoak lehorrera. Horregatik, kalea hondarrez eta zapataz beteta agertu zen.

Oinezkoek harrituta galdetzen zuten, Nola heldu dira honaino? Norenak dira? Zer kontatu nahi digute?

“Andante” mozorro antzerkia da eta, era poetikoan, hitzik gabe eta umore ukitu zainduarekin, ahaztu behar ez genituzkeen istorioak kontatzen ditu. Gerra garaiko zapata anonimoen istorioak. Gureak izan daitezkeen zapatenak.

CARBON CLUB

Hainbat gogoeta irekitzen dituen bizitzari buruzko metafora da: adiskidetasunaren balioa, patu tragikoa, bizitzeko ausardia, sakoneko lurra, hurbil ditugun gerrak, errebindikazio komunak… Baina, batez ere, lan duin eta neketsuan bizitza eman zuten heroi anonimo horiei mirespenez beterik eskainitako omenaldia da.

CRUSOE

Crusoek bere baliabideak erabiliz jaten, bestelako ingurunearekin erlazionatzen eta izaki errealekin eta irudimenezkoekin harremanak izaten ikasiko du. Bere bizitza, gertatzen denak eta bere buruak interpretatzen duenak osatzen dute, denoi gertatzen zaigun bezala. Eta bi munduak egiazkoak dira maila berean.

Itsasoaren eta itsasoko munduaren zaporea duen uharte bakartitik, Crusoek denbora eta itsasontziak igarotzen ikusten ditu, eta bat bera ere ez da geratzen. Gauzak, bizitzan gertatzen diren naturaltasunez gertatzen dira, batzuetan harrituz, beste batzuetan deseroso sentiaraziz eta, gehienetan, jasaten erakutsiz. Orduan, Crusoek bizitza lasaia bizitzea lortzen du, Ostiralek lagunduta. Itsaso zabalean dagoen itsasontziak bezala, urrunean igarotzen ikusten dugun bizitza.

Euria

Maite dugun norbait jadanik ez dagoenean gertatzen zaigunari buruz hitz egiten du. Eta zerbait aldatu dela ulertzeko eta onartzeko behar dugun denbora guztiari buruz.

“Euria” lanean ur tantak daude, bi aterkirekin bizi den pertsonaia, lanabes kaxa bat, eskegitzeko gantxoak, plantxa ero bat, abesti triste baten gaineko keinu ederrak, berokia, kanpora ematen duen leihoa, oroitzapenen iratzargailua eta baita marraztutako eguzkia ere.

Norbaitek, altxatzeko eta aurrera egiteko dugun gaitasunaren metafora ere ikus dezake eguzki horretan.

HAREAZKO IPUINAK

Haur batek minbizia du eta tratamenduak irauten duen bitartean ospitalean egon beharko du. Aitaren beldurra eta obsesioa, bere alaba sendatzearekin batera, haurtzaroa ez galtzearena da. Bertan egon behar duen denbora entretenitua egotea nahi izango du. Horretarako edozer gauza egiteko gai izango da, ipuin kontalari bihurtu, istorio ezberdinen protagonista, antzerkilaria, bufoia, magoa, sendagilearen laguntzaile edota Herioaren aurkaria.

KARTOIBIRAKA

Biltegitik irten gabe, globoz, itsasontziz edo gameluz, istorio honetako protagonistek munduari bira emango diote 80 kaxatan.

KARTOIBIRAKA antzezlanak gogoratzen digu pertsona makinatik bereizten duen ezaugarria: jolasteko eta sortzeko gaitasuna.

KIXOTE, Santxoren zorabioa

Cervantesen nobelaren pertsonaien izakera oinarritzat hartuz, adizkidetasun istorioa proposatzen dugu gure QUIJOTEn. Ez dugu nobela kontatu nahi, baina bere protagonistak erabiliko ditugu ameslarien eta errealitateari itsatsita daudenen arteko konfrontazioaren istorioa kontatzeko. Bizitza ikusteko bi aldeak, Sancho, oinak lurrean dituena eta Quijote, egunerokotasunari, ohizkoari, benetakoari beste sentsu bat bilatu nahian.

MAKINISTA

Gure historiaren dramatizazioa aurkezten digu, ironiaz, metaforaz eta umorez beterik.

Gure garraioa trena izango da eta gidatzen duen MAKINISTAk abiadura, ateak eta geltokiak kontrolatzen ditu. Ezezaguna den MAKINISTAk zuzentzen duen gizartearen metafora da trena.

TXINTXARRA ETA INURRIA

Entretenitu, liluratu eta hunkitzeaz gain, pertsonaia ezberdinek batak bestearengandik ikasten dituzten harreman-motak erakutsiko dizkigute.

Iparraldeari eta hegoaldeari buruzko hausnarketa, arteari eta lanari buruzkoa.

UHARTE EZEZAGUNA

Esnatzean, Neska Erreginaren aurrean azaldu zen eta Itsasontzi bat eskatu zion, Uharte Ezezaguneraino nabigatzeko. Mutila, Erreginaren zerbitzaria, harrituta geratu zen Neskaren ausardia ikusita, eta Erreginak eskaerari ezin ziola ezetz esan ikusita, Neskaren atzean abenturan joatea erabaki zuen.

Markeliñek, keinuetan eta ikusmenean oinarritutako abentura proposatzen du, zerumugara egiten den begirada hori errebindikatzen duen abentura, alegia. Gure uharte ezezaguna bilatzea, gure potentzialtasunak garatzeko eta gure jomugarekin dugun ardura aurrera eramateko eskubidea defendatzea da.

ZOOMZOOM

Espazio irekietarako keinu ikuskizuna, egunekoa, soinuduna, formatu handiko elementuekin.

ZOOZOOMek, familia osoari zuzendutako kaleko ikuskizunaz gozatzeko beste era bat proposatzen digu, partaidea, dibertigarria, interaktiboa, harrigarria.

ZOOZOOM ikuskizunean, material xumeak erabiliz eskuz eraikitako animaliaz osatutako parke zoologiko bitxia sortuko dugu. Partaideak erraz, azkar eta irudimenez beterik, jirafan, elefantean, karramarroan, dinosauroan, bihurtuko dira.