მიწის სტატუსის შეცვლა სიღნაღში 577 27 27 41 

სიღნაღი კახეთის მხარეში მდებარე მუნიციპალიტეტია. არქეოლოგიური გამოკვლევიბით დგინდება, რომ ეს არეალი მნიშვნელოვან როლს ასრულებდა ჯერ კიდევ პალეოლითური, ნეოლითური და ბრინჯაოს ხანებიდან მოყოლებული.

სიღნაღის რაიონის ტერიტორია ადრე კამბეჩოვანის სახელით იყო ცნობილი, მოგვიანებით კი მას ქიზიყს უწოდებდნენ. საქართველოში ქრისტიანობის სახელმწიფო რელიგიად აღიარების შემდეგ ამ მხარემ დიდი მნიშვნელობა შეიძინა. აქ აღესრულა და დაკრძალულია წმინდა ნინო.

სიღნაღი თურქული წარმოშობის სიტყვაა და თავშესაფარს ნიშნავს. სიღნაღის მუნიციპალიტეტი მრავალფეროვანი ლანდშაფტით ხასიათდება. აქ ნახავთ ნათელ ტყეებს, ვრცელ ველებს და გაშლილ სივრცეებს. განსაკუთრებით ეგზოტიკურ სანახაობას ქმნის ქილაკუპრას ტალახის ვულკანები.

რაიონში საინტერესო ძეგლებსაც მოინახულებთ. განსაკუთრებით ცნობილია ბოდბისა და ხირსის მონასტრები. ულამაზესია თავად ქალაქი სიღნაღი თავისი არქიტექტურული სახითა და შესანიშნავი ხედებით ალაზნის ველსა და კავკასიონის მთებზე. მას ქალაქ-მუზეუმსაც უწოდებენ.

გეოგრაფია და კლიმატი

სიღნაღის მუნიციპალიტეტი აღმოსავლეთ საქართველოში, კახეთის მხარეში მდებარეობს. მისი ადმინისტრაციული ცენტრია ქალაქი სიღნაღი. მუნიციპალიტეტს ჩრდილო-დასავლეთით და დასავლეთით გურჯაანისა და საგარეჯოს მუნიციპალიტეტები, სამხრეთ-აღმოსავლეთით - დედოფლისწყაროს მუნიციპალიტეტი, ჩრდილოეთით და ჩრდილო-აღმოსავლეთით კი ლაგოდეხის მუნიციპალიტეტი და აზერბაიჯანის რესპუბლიკა ესაზღვრება.

სიღნაღის მუნიციპალიტეტის დიდი ნაწილი ივრის ზეგანს უჭირავს. მის ტერიტორიაზე შემოდის გომბორის ქედის მცირე ნაწილიც. მუნიციპალიტეტის ფარგლებში გომბორის ქედის უმაღლესი მთა ჭოპორტია (1087 მ). სიღნაღი ჰიდროგრაფიულ ქსელს მოკლებულია. აქ ზირითადად პერიოდული ხასიათის მდინარეებია.

უნდა გამოვყოთ ორი მდინარე, ალაზანი და იორი. ივრის ზეგანზე გავრცელებულია ვაციწვერიანი და უროიანი სტეპები და ჯაგეკლიანი ბუჩქნარები. ივრის ზეგნის სამხრეთ ნაწილში გვხვდება ბუჩქი ჩარანი, რომლისგანაც სოდას იღებენ. მდინარე ივრის ნაპირებთან არის ჭალის ტყეები: წნორი, ჭალის ვერხვი, იალღუნი და სხვ. გომბორის ქედის ტყეებზე კი აღსანიშნავია მუხა და რცხილა.

სიღნაღის მუნიციპალიტეტის ტერიტორიაზე რამდენიმე ტიპის ჰავა გამოიყოფა. ივრის ზეგანზე ზომიერად ნოტიო სტეპების ჰავაა, ცხელი ზაფხულითა და ცივი ზამთრით. ალაზნის ვაკეზე ჩამოყალიბებულია ზომიერად ნოტიო ჰავა, აქ ზამთარი ზომიერად ცივია, ხოლო ზაფხული - ცხელი.

გომბორის ქედზე კი ზომიერად ნოტიო და ზომიერად თბილი ჰავაა ცივი ზამთრით და ხანგრძლივად თბილი ზაფხულით. ჰაერის საშუალო წლიური ტემპერატურაა 11,1 °C-იდან 12,6 °C-მდე.

რა ვნახოთ

სიღნაღი ერთ-ერთი გამორჩეულად ლამაზი და საინტერესო რაიონია და უამრავ ტურისტს იზიდავს. აქ მნიშვნელოვანი კულტურული ძეგლების მონახულებას შეძლებთ.

მათ შორის განსაკუთრებით ცნობილია ბოდბის მონასტერი, რომელიც გადმოცემის თანახმად წმ. ნინოს დაკრძალვის ადგილასაა აგებული. უდიდესი პოპულარობით და მნახველთა სიმრავლით სარგებლობს ქალაქი სიღნაღი. მისი არქიტექტურა, ლამაზი ქუჩები და შესანიშნავი ხედები გულგრილს არავის ტოვებს. მას სიყვარულის ქალაქსაც უწოდებენ.

აქ ინახება მსოფლიოს უდიდესი თვითნასწავლი მხატვრის, ნიკო ფიროსმანაშვილის უნიკალური ფერწერული კოლექციაც. სიღნაღი არა მხოლოდ კულტურით, ბუნების მხრივაც მიმზიდველი რაიონია. უკიდეგანო ალაზნის ველისა და კავკასიონის ხედები უდავოდ საოცარი სანახაობაა. აქ არის ივრის აღკვეთილი და ქილაკუპრას ტალახის ვულკანების ბუნების ძეგლიც.

 წყარო: https://georgiantravelguide.com/ka/sighnaghi

👉 ბიზნეს გეგმების სრული სია იხილეთ >>> https://www.gen.ge/business-plans/