REPRODUCIÓN POR ESPORAS DE FENTOS ARBORESCENTES.
Os fieitos ou fentos son plantas que producen esporas, resumíndose nas seguintes fases o ciclo de reprodución.
Producción de esporas: Os fentos producen esporas en estruturas chamadas esporanxios nas súas follas maduras.
Liberación de esporas: As esporas maduran, libéranse e son transportadas polo vento.
Xerminación: As esporas xerminan e forman gametófitos, estruturas haploides.
Producción de gametos: Os gametófitos producen gametos masculinos e femininos.
Fecundación: Os gametos funden para formar un cigoto diploide.
Desenvolvemento do esporofito: O cigoto desenvólvese nun esporofito diploide, que crece para converterse nun fento maduro.
Produción de esporas de novo: O fento maduro produce esporanxios, pechando o ciclo de vida.
No proxecto REDICIR obsérvase como reproducir diferentes tipos de fentos arborescentes, mediante un entorno controlado de temperatura e humidade, empregando unha cámara de propagación de esporas.
Para lograr as esporas e realizar a reprodución, hai que coller as esporas ( po ou partículas microscópicas de cor amarela) que teñen as follas dos fentos, e comezar coa reprodución.
Á hora de facer a reprodución, é necesario un recipiente con terra mineral, que reteña máis a humidade. Cada espora terá que unirse con outra espora para que xerminen e vaian creando pequenos fieitos.
Para esa unión precísase un medio húmedo. Unha vez esparcidas as esporas sobre a terra, hai que facer un rego abundante e despois tapar o recipiente. Ata que comecen a aparecer as primeiras frondas poden pasar meses.
No caso do proxecto REDICIR as esporas consérvanse na cámara de propagación, con condicións controladas de temperatura e humidade.
No caso de non dispoñer de cámara unha vez esparcidas as esporas tápase o recipiente para evitar que as esporas se escapen co vento, e cólocase nun lugar húmedo ou sombrío.