Causas e consecuencias do despoboamento
O despoboamento en Galicia
Autor do Texto: Yago 1º ESO
Galicia conta con 313 concellos agrupados en 53 comarcas diferentes, distribuídas en catro provincias. Ten arredor de 2,7 millóns de habitantes, concentrados na súa maioría arredor de 7 grandes núcleos urbanos (de maior a menor, Vigo, A Coruña, Ourense, Lugo, Santiago de Compostela, Pontevedra e Ferrol), mentres que, no revés da táboa, ata 10 concellos galegos, todos de interior, non superan a cifra de 600 veciños como, por exemplo, o Concello de Beade, Parada de Sil, Vilariño de Conso, Chandrexa de Queixa, Larouco, Río, Pontedeva, A Teixeira en Ourense e Ribeira de Piquín e Negueira de Muñiz en Lugo.
Ademais, Galicia é unha das comunidades autónomas de España con máis núcleos rurais deshabitados, cerca de 4000, o que constitúe o 37% dos núcleos abandonados de España. Isto supón problemas econónicos porque quedan extensas áreas sen actividade agrícola, gandeira ou doutro tipo; perdas patrimoniais e culturais, ao desapareceren elementos arquitectónicos como hórreos, vivendas, muíños, dependencias agrícolas, etc; mais tamén de calidade de vida posto que se van reducindo servizos sanitarios, escolares, de transporte público...
Este proceso de despoboamento do rural comenzou a suceder en Galicia entre 1950 e o ano 2000. Na década seguinte esta situación consolidouse. A falta de oportunidades laborais no rural é unha das causas. Aínda que a agricultura e a gandaría pode ser un negocio rendible, para moitas persoas novas as condicións laborais, son pouco atractivas. Ademais, as dificultades de acceso á propiedade das terras daquelas persoas novas que non as herdaron imposibilita que moitos queden nas aldeas.
Traballo feito polo alumnado de proxecto competencial de 1º de ESO baseándose no seguinte vídeo: https://youtu.be/vcdIYMhdLec
Deixámosvos aquí ligazóns que o alumnado foi rastrexando a páxinas web e textos xornalísticos que nos permitan analizar nas aulas as causas e as consecuencias que trae o abandono do rural. A ollada a outras realidades similares non distantes á Remesar pode permitirnos entendelas e a idear proxectos para reverter esta tendencia.
Noticia publicada en "La voz de Galicia"
Noticia publicada en "El Progreso"
Noticia publicada en "La voz de Galicia"