志工書寫

葫蘆墩行踏第二工領隊的話

◎陳守欽志工

咱行踏的目的，是為着欲降低咱的憲法修憲的戶碇，為甚麼呢？是因為法律必須佮時代有法度配合，任何的法律如果脫離社會的時陣、抑是時代的潮流，這個法律會變得無法度使用。所以咱欲降低這個修憲的戶碇，就是這個戶碇，伊足懸足懸，咱kā戶碇降落來，予全體的人民來共同討論、共同配合，揣出一條適合台灣、社會、人民，應該有的一個憲法。

咱知影這馬有一種聲音，就是感覺執政黨佇立法院多數的時陣，無強力進行改革。其實咱必須愛了解，如果傷強力的改革，檢采法律有夠彼個地位，但是咱失去主導的力量，嘛有可能閣變成造成更多的紛亂。所以穩固的改革腳步，有當時仔想想嘛是一個較好的方向，假那講民主的腳路可能進兩步退一步，按呢一步一步向前行，所以咱m̄-bang灰心失志，努力堅持咱家己的理想，嘛毋是講咱的理想一定就是着的，但是咱有一個理想，咱會看着未來光明的道路，就算看袂着這條路，但是咱嘛應該會心安理得，這是我基本的看法。祝大家行踏順利，多謝！多謝！

行踏日期：2024/4/20